2008 წლის აგვისტოს მოვლენების დროს აჭარიდან 16 ჯარისკაცი გარდაიცვალა, დაღუპულთა ოჯახებს აჭარის მთავრობა ფულად დახმარებას გაუწევს.

"ტრაგიკული დღეა არის ჩვენი ქვეყნის ცხოვრებაში. დღეებმა, რომელიც ყველამ ერთად განვიცადეთ, დაკავშირებული იყო რუსეთის აგრესიასთან და სამწუხაროდ ბევრი ქართველი ვაჟკაცის სიცოცხლე შეიწირა. ჩვენი ვალია ვუთანაგრძნოთ მათ ოჯახებს და გვახსოვდეს ისინი," – აღნიშნა გიორგი თავამაიშვილმა.

"ამ დღესთან დაკავშირებით თითოეულ ოჯახს დახმარების სახით გადავცემთ 2000 ლარს. მინდა გითხრათ, რომ მთავრობამ მიიღო უპრეცენდენტო გადაწყვეტილება. 2014 წლიდან დაღუპულთა 4 000-მდე ოჯახს გადაეცემა 500 ლარიანი დახმარება, ხოლო 2015 წლიდან - 1000 ლარიანი დახმარება ყოველთვიურად," – განაცხადა არჩილ ხაბაძემ.