მსახიობმა ია ფარულავამ ახალი სახლი იყიდა და ამ ეტაპზე მისი რემონტით არის დაკავებული. „პრაიმ ტაიმთან“ საუბრისას მსახიობი „პრარაბს“ მოკვლით ემუქრება, რადგან ახალი სახლის რემონტი ძალიან გაიწელა და ძველ სახლში, რომელიც გაყიდა ქირით უწევს ცხოვრება:

„მე მირჩევნია, ჩემს თავს მოვუარო, ან აქეთ მომიარონ. ამიტომაც გამოვიყურები კარგად ამ ასაკში... ახლა რემონტი მაქვს, ახალი ბინა ვიყიდე და თუ გაიგეთ, რომ მე დამიჭირეს და ციხეში აღმოვჩნდი, იცოდეთ რომ მე მოვკალი პრარაბი. პატარა ბინაში ვცხოვრობდი და ის ბინა გავყიდე. ფული მჭირდებოდა რემონტისთვის. მყიდველს უნდა, ჩემი ბინა გააქირაოს და მე ისევ იქ ვცხოვრობ. მეგობრებმა კი შემომთავაზეს თავისი სახლები, მაგრამ ვის მივადგე ორი კატით, აფუჩეჩებენ ყველაფერს. ამიტომ მოველაპარაკე ჩემი ბინის ახალ პატრონს და ჩემივე ბინაში ქირით უნდა ვიცხოვრო. მოსაკლავი არ არის ახლა ეგ პრარაბი?!“, - აცხადებს ია ფარულავა.