როგორც ღარიბაშვილმა შსს-ს კარალეთში განაცხადა, ყველასთვის ცნობილია რა სტრატეგიული მნიშვნელობა ჰქონდა და აქვს კარალეთს ერთიანი და ძლიერი საქართველოსთვის.

"სულ რაღაც რამდენიმე კილომეტრში მდებარეობს ოკუპირებული ტერიტორია. სწორედ თქვენი დანაყოფის პირად შემადგენლობას გიწევთ ადმინისტრაციულ საზღვარზე არსებულ საგუშაგოებზე რთული სამსახურეობრივი მოვალეობის შესრულება – საზოგადოებრივი წესრიგის დაცვა, აქ მცხოვრები მოსახლეობის უსაფრთხოების უზრუნველყოფა.

მე მჯერა, რომ კვლავაც ღირსეულად გააგრძელებთ სამსახურს, გონივრულად მიუდგებით საერთო პრობლემების გადაჭრას და გამოიჩენთ განსაკუთრებულ სიფრთხილეს ცხინვალის რეგიონის მკვიდრთა უსაფრთხოების დაცვისთვის, რათა მალე შევძლოთ მეგობრული თანაცხოვრების გაგრძელება ჩვენს ოს ძმებთან", - განაცხადა ღარიბაშვილმა.