„მაუწყებლობის შესახებ“ კანონის შეცვლა არხის მენეჯმენტის ძალაუფლებასა და კორუფციის რისკებს გაზრდის“

„მაუწყებლობის შესახებ“ კანონის შეცვლა არხის მენეჯმენტის ძალაუფლებასა და კორუფციის რისკებს გაზრდის“ - აშშ-ის სახელმწიფო დეპარტამენტი

პოზიცია - 12:50, 21 Apr, 2018

1408

4 ნოემბერს, 29 არასამტავრობო ორგანიზაციამ გამოთქვა შეშფოთება, რომ საზოგადოებრივ მაუწყებელის მმართველობაში იზრდება მთავრობისა და ყოფილ პრემიერ-მინისტრთან დაახლოებული პირების გავლენა," - ამის შესახებ ნათქვამია სახელმწიფო დეპარტამენტის ანგარიშში.

დეპარტამენტის მოხსენების თანახმად, „მაუწყებლობის შესახებ“ კანონში შეტანილმა სადავო ცვლილებებმა, რომლებიც პარლამენტს საქართველოს საზოგადოებრივი მაუწყებლის მენეჯმენტმა წარუდგინა, გამოიწვია შეშფოთება არხის რესტრუქტურიზაციის პროცესის გაუმჭვირვალობასთან და საზოგადოებრივი მაუწყებლის ხელმძღვანელობის შიგნით ძალაუფლების კონსოლიდაციასთან დაკავშირებით.

ადამიანის უფლებების სფეროში გამოქვეყნებულ ანგარიშში, სადაც საქართველოში მედიაში არსებლ ვითარებაზეა საუბარი, აღნიშნულია, რომ „მაუწყებლობის შესახებ“ კანონის შეცვლა არხის მენეჯმენტის ძალაუფლებასა და კორუფციის რისკებს გაზრდის, ბორდსა და თანამშრომლების დაცვის მექანიზმს კი შეასუსტებს.

აშშ-ის სახელმწიფო დეპარტამენტის 2017 წლის შემაჯამებელ ანგარიშში საქართველოში მედიაპლურალისტიური გარემოს შემცირებაზეა საუბარი.

"დამოუკიდებელი მედიასაშუალებები იყვნენ ძალიან აქტიურები და მოსაზრებათა ფართო სპეტრს წარმოადგენდნენ. მაგრამ სამი სატელევიზიო არხის, "იმედის", მაესტროსა" და "GDS TV"-ს შერწყმამ, საზოგადოებრივი მაუწყებლის (GPB) ხელმძღვანელობის ცვლილებასთან ერთად შეამცირა მედია პლურალიზმი და გაზარდა საზოგადოებაში აღქმა, რომ მედია-გარემო უფრო და უფრო კონცენტრირდება მმართველი პარტიის სასარგებლოდ. 4 ნოემბერს, 29 არასამტავრობო ორგანიზაციამ გამოთქვა შეშფოთება, რომ საზოგადოებრივ მაუწყებელის მმართველობაში იზრდება მთავრობისა და ყოფილ პრემიერ-მინისტრთან დაახლოებული პირების გავლენა," - ნათქვამია სახელმწიფო დეპარტამენტის ანგარიშში.