2 ბურგერი და 2 ქილა Dr Peppers - აშშ-ში სიკვდილით ყველაზე ასაკოვანი პატიმარი დასაჯეს

მსოფლიო - 16:12, 20 Apr, 2018

5990

ამერიკის შეერთებულ შტატებში სიკვდილით 83 წლის მამაკაცი დასაჯეს. უოლტერ მუდი ყველაზე ასაკოვანი პატიმარია მათ შორის, ვის მიმართაც სასჯელის ეს ზომა იქნა გამოყენებული, სიკვდილით დასჯის აღდგენის შემდეგ , 1976 წლიდან.

უოლტერ მუდი მსჯავრდებული იყო მოსამართლეების მკვლელობისთვს, რომელიც 1989 წელს ჩაიდინა. სასამართლომ დაადგინა, რომ მუდიმ 1989 წელს საოლქო მოსამართლე რობერტ ვენსა და სამოქალაქო საკითხებში ადვოკატ რობერტ რობინსონს ასაფეთქებელი მოწყობილობები გაუგზავნა. ასაფეთქებელი მოწყობილობების ამოქმედების შედეგად, ორივე მათგანი დაიღუპა.

მუდის სასიკვდილო ინექცია გასულ ხუთშაბათს, ალაბამას შტატის ქალაქ ატმორის ციხეში შეუყვანეს.

მუდი პირველად ამ საქმეზე 1991 წელს გაასამართლა ფედერალურმა სასამართლომ და მას შვიდმაგი სამუდამო პატიმრობა მიუსაჯეს, პლუს 400 წელი.

1996 წელს კიდევ ერთი პროცესი შედგა, რომელზეც მას სიკვდილით დასჯის განაჩენი გამოუტანეს.

როგორც ბრალდების მხარე ირწმუნებოდა, მუდის სააპელაციო სასამართლოს მოსამართლის განადგურება იმის გამო სურდა, რომ მან უარი უთხრა 1972 წელს მის წინააღდეგ წაყენებული ბრალის გადახედვაზე. მუდის მაშინ ასაფეთქებელი მოწყობილობის ფლობაში ადანაშაულებდნენ.

ბრალდების მხარე მუდის ახასიათებდა, როგორც მკვლელს, რომელმაც შურისძიებით შეპყრობილმა მკვლელობა შეგნებულად ჩაიდინა და შემდეგ ცდილობდა მოვლენების ისეთი ინსცენირება მოეწყო, თითქოს მკვლელობის უკან კუ კლუს კლანი იდგა.

როგორც ადგილობრივი მედია იუწყება, მუდიმ უარი თქვა უკანასკნელ სადილზე და ამის მაგივრად შეჭამა 2 ჰამბურგერი ხორცით და ყველით და დალია 2 ქილა Dr Peppers-ი.