მხოლოდ რუსეთს გააჩნია მსგავსი თავდასხმის მოტივი, საშუალება და ისტორიული პრეცედენტი - სახელმწიფო დეპარტამენტი სკრიპალის საქმეზე

მსოფლიო - 14:32, 19 Apr, 2018

2014

აშშ-ის სახელმწიფო დეპარტამენტი მიიჩნევს, რომ ქიმიური იარაღის აკრძალვის ორგანიზაციის (OPCW) დასკვნები ადასტურებენ სკრიპალის საქმესთან დაკავშირებით რუსეთთან მიმართებაში ბრიტანეთის ბრალდებებს . ამის შესახებ განცხადება სახელმწიფო დეპრტამენტის ოფიციალურმა წარმომადგენელმა ჰიზერ ნოიერტმა გააკეთა:

„OPCW- ის დამოუკიდებელი ანგარიში, რომელიც გასულ კვირას გამოქვეყნდა, ადასტურებს ბრიტანეთის ლაბორატორიის დასკვნებს, იმასთან დაკავშირებით, თუ რა ქიმიური საშუალება იქნა გამოყენებული სოლსბერიში. სწრაფად აღმოჩენილი მხარდაჭერისთვის ჩვენ OPCW- ის მადლობლები ვართ. ჩვენ სრულად ვუჭერთ მხარს ბრიტანეთის და მხარდაჭერას ვუცხადებთ OPCW- ის და გაეროს უშიშროების საბჭოს სპეციალური შეხვედრების ჩატარებას, ამ საკითხთან დაკავშირებით.“- ნათქვამია სახელმწიფო დეპარტამენტის განცხადებაში.

ჰიზერ ნოიერტის თქმით, საშუალება, რომელიც სოლსბერიში აგენტის მოსაწამლად გამოიყენეს, წარსულშიც გამოიყენებოდა სახელმწიფოს მიერ სანქცირებული მკვლელობებისთვის:

„მხოლოდ რუსეთის მთავრობას გააჩნია მოტივი, საშუალება და ისტორიული პრეცედენტი მსგავსი თავდასხმების განხორციელებისთვის. რუსეთმა შეიმუშავა ეს ნერვო-პარალიტური სამხედრო ტიპის აირი, რომელიც გამოყენებული იქნა სოსლბერიში, ის წარსულშიც ცნობილი იყო, როგორც სახელმწიფოს მიერ სანქცირებული მკვლელობების შესასრულებელი საშუალება. “- განაცხადა ნოიერტმა, თუმცა არ დაუკონკრეტებია რომელი მკვლელობებზე იყო საუბარი.