უკრაინის მართლმადიდებელი ეკლესიის ავტოკეფალია - პოროშენკო მსოფლიო პატრიარქს მიმართავს

მსოფლიო - 13:34, 19 Apr, 2018

2258

უკრაინის რადას დეპუტატებმა მხარი დაუჭირეს უკრაინის პრეზიდენტის მიმართვას მსოფლიო პატრიარქ ბართლომესადმი, რათა პატრიარქმა გამოსცეს ტომოსი უკრაინის მართლმადიდებელი ეკლესიის ავტოკეფალიასთან დაკავშირებით.

შესაბამის რეზოლუციას, ხუთშაბათს, პარლამენტის პლენარულ სხდომაზე 268 დეპუტატმა მისცა ხმა.

პოროშემკომ მიმართვისას დეპუტატებს უკრაინის ეკლესიის ავტოკეფალიის მხარდაჭერისკენ მოუწოდა და განაცხადა, რომ ეს არანაირად გამოიწვევს სინდისის თავისუფლების კონსტიტუციური პრინციპის დარღვევას.

„მინდა, დაგარწმუნოთ, რომ ტომოსი, რომელზეც ჩვენ იმედებს ვამყარებთ და რომლის მისაღებადაც ძალისხმევას ვიჩენთ, ერთიანი აღიარებული ადგილობრივი ეკლესიის გაჩენა - არავითარ შემთხვევაში არ დაარღვევს სინდისის თავისუფლების კონსტიტუციურ პრინციპს. ერთიანი მართლმადიდებელი ადგილობრივი ეკლესია არ გახდება სახელმწიფო ეკლესია. ყველა მორწმუნეს აქვს და ექნება უფლება თავისუფლედ აირჩიოს როგორც ტაძარი, ასევე საეკლესიო იურისდიქცია.“- განაცხადა სახელმწიფოს მეთაურმა.

პოროშენკომ ხაზი გასუვა , რომ „მას, ვისაც სურს იმ ეკლესიაში დარჩენა, რომელიც რუსეთის საპატრიარქოსადმი ერთობას შეინარჩუნებს, ასევე ექნება გარანტირებული უფლება საკუთარი არჩევანის.“

„იქნება ავტოკეფალია, დრო ყველაფერს თავის ადგილზე დააყენებს, ერთ-ორ დღეში არა, არც თვეების და წლის განმავლობაში, მაგრამ დააყენებს.“- განაცხადა პოროშენკომ.

ავტოკეფალიის შექმნასთან დაკავშირებით პოროშენკოს წინადადებისთვის მხარი ყველა ფრაქციას არ დაუჭერია, „ოპოზოციური ბლოკმა“ უარი თქვა პრეზიდენტის მიმართვის მხარდაჭერაზე:

„ჩვენი ფრაქცია ეწინააღმდეგაბა ამ რეზოლუციას და აცხადებს, რომ ეკლესიის საკითხები მხოლოდ ეკლესიათაშორისი დიალოგის დონეზე უნდა გადაწყდეს, რომელსაც ეკლესიის ხელმძღვანელები გამართავენ“- განაცხადა „ოპოზიციური ბლოკის“ ფრაქციის თანათავმჯდომარე იური ბოიკომ. მან ხაზი გაუსვა, იმას რომ მათი პოზიცია ეყრდნობა იმ პრინციპს, რომ სახელმწიფო რელიგიურ საკითხებში არ უნდა ჩაერიოს.