ევროპარლამენტარები ევროკავშირის ქვეყნებს ფეხბურთის მსოფლიო ჩემპიონატის ბოიკოტისკენ მოუწოდებენ

პოზიცია - 15:20, 18 Apr, 2018

1615

ევროპარლამენტარები ევროკავშირის წევრი ქვეყნების მთავრობებს რუსეთში ფეხბურთის მსოფლიო ჩემპიონატის დიპლომატიური ბოიკოტისკენ მოუწოდებენ.

ინფორმაციას ამის შესახებ "რადიო თავისუფლება" ავრცელებს. წერილში, რომელსაც უკვე 46-მა პარლამენტარმა მოაწერა ხელი და ის ევროკავშირის 28 წევრი ქვეყნის მთავრობებს გადაწგზავნება ნათქვამია, რომ „გასულ თვეში ბრიტანეთში ყოფილი რუსი ჯაშუშის მოწამვლა ვლადიმერ პუტინის მიერ ევროპული ფასეულობების დაცინვის მორიგი შემთხვევა იყო. "

წერილში საუბარია სირიაზე და უკრაინაზეც, „რუსეთის მიერ სირიაში სკოლების, საავადმყოფოებისა და სამოქალაქო ტერიტორიების განურჩეველი დაბომბვა, უკრაინაში ძალადობრივი სამხედრო შეჭრა, კიბერშეტევები, დეზინფორმაციის კამპანია, არჩევნებში ჩარევა არის საზოგადოების დესტაბილიზაციის და ევროკავშირის დასუსტების და დაყოფის მცდელობა.“

"ჩვენ ვთანხმდებით, რომ სპორტს შეუძლია გადატანითი მნიშვნელობით ხიდების შენება, თუმცა იმ დროს როდესაც პუტინი სირიაში რეალურ ხიდებს აფეთქებს, ვერ მოვიტყუებთ თავს თითქოს ეს მსოფლიო ჩემპიონატი სხვა მნიშვნელოვანი სპორტული ღონისძიების მსგავსია" - წერია განცხადებაში.

ჩემპიონატს უკვე გამოუცხადეს დიპლომატიური ბოიკოტი დიდმა ბრიტანეთმა და ისლანდიამ.