„ნამდვილი საფრანგეთი დაბრუნდა“ - ემანუელ მაკრონმა ავტორიტარიზმის საფრთხეზე ევროპარლამენტში ისაუბრა

მსოფლიო - 16:45, 17 Apr, 2018

3398

საფრანგეთის პრეზიდენტი ემანუელ მაკრონი ევროპას იმ საშიშროების შესახებ აფრთხილებს, რომელიც „ავტორიტარიზმით“ ცდუნებას უკავშირდება და ეს ემუქრება როგორც ევროკავშირს, ასევე მთელ მსოფლიოს. აღნიშნულ თემაზე მაკრონმა დღეს, ევროპარლამენტში სიტყვით გამოსვლისას ისაუბრა. მისი თქმით, მიმდინარეობს „ევროპული სამოქალაქო ომი“ და ამაში მან უნგრეთი და პოლონეთი იგულისხმა. მაკრონის განცხადებით „არსებობს არალიბერალური გატაცებები და ეს მუდმივად იზრდება“

“მე არ მინდა მთვარეულების თაობას მივეკუთვნებოდე და არ მინდა მივეკუთვნებოდე თაობას, რომელმაც თავისი წარსული დაივიწყა.“- განაცხადა საფრანგეთის 40 წლის პრეზიდენტმა თავის გამოსვლაში, რომელშიც ხაზი გაუსვა ევროკავშირის მომავალთან დაკავშირებით მის ხედვას, მისი თქმით, მას სურს მიეკუთვნებოდეს თაობას, რომელიც ევროპის სუვერენიტეტს დაიცავს:

„ჩვენ ვიბრძოდით ამის მისაღწევად და მე არ დავუშვებ, ავტორიტარული რეჟიმებით არავითარ აღფრთოვანებას.“- განაცხადა მაკრონმა.

„თუ ჩვენ გადავწყვეტთ, რომ ჩვენი დემოკრატიულობისადმი მიჯაჭვულობა გავწვიტოთ, ჩვენ მცდარ გზაზე დავდგებით. დემოკრატია ჩვენი საუკეთესო შანსია. პასუხი არაა ავტორიტარული დემოკრატია, პასუხია დემოკრატიის ავტორიტეტი.“- აღნიშნა მაკრონმა.

შეგახსენებთ, ბოლო კვირების განმავლობაში უნგრეთში და იტალიაში არჩევნები პოპულისტურმა პარტიებმა მოიგეს, ევროკავშირი უკვე გარკვეული პერიოდია წინააღმდეგობაში იმყოფება პოლონეთის მმართველ მემარჯვენე პარტიასთან.

მაკრონმა შესთავაზა ევროკაშირს, რომ შეიქმნას ევროკავშირის სპეციალური ფონდი, ლტოლვილების მიმღები თემებისთვის, რათა გაუმკლავდნენ ერთ-ერთ ყველაზე მწვავე პრობლემას, რომელიც ევროკავშირში აზრთასხვადასხვაობის მიზეზია 2015 წლიდან.

„მე გთავაზობთ შეიქმნას ევროპული პროგრამა, რომელიც უშუალოდ დაუჭერს მხარს ადგილობრივ თემებს, რომლებიც იღებენ ლტოლვილებს და მათ ინტეგრაციას ახდენენ“- აღნიშნა საფრანგეთის ლიდერმა.

საფრანგეთის პრეზიდენტმა მწვავედ გააკრიტიკა ევროსკეპტიკოსები, რომლებმაც, მისი თქმით, ბრექსიტის პროცესი გამოიწვიეს. მან ასევე აღნიშნა, რომ ევროკავშირიდან გაერთიანებული სამეფოს გასვლამ ევროგაერთიანების ბიუჯეტში დიდი ხვრელი გააჩინა, რის გამოც საფრანგეთი მზად არის, საკუთარი კონტრიბუცია გაზარდოს.

მაკრონის გამოსვლას მიესალმა ევროკომისიის პრეზიდენტი ჟან კლოდ იუნკერი და განაცხადა, რომ „ნამდვილი საფრანგეთი დაბრუნდა“