გაეროს უშიშროების საბჭოს საგანგებო სხდომაზე რუსეთის რეზოლუცია ჩავარდა. მას მხოლოდ რუსეთმა, ჩინეთმა და ბოლივიამ დაუჭირა მხარი. 8 ქვეყანა რეზოლუციის წინააღმდეგი წავიდა, ხოლო 4-მა თავი შეიკავა.

რეზოლუციაში, რომელიც რუსეთისთვის ტრადიციულ სტილში იყო შედგენილი, აშშ-ის, დიდი ბრიტანეთისა და საფრანგეთის ქმედებები განიხილებოდა როგორც "სირიის წინააღმდეგ განხორციელებული აგრესია". რეზოლუცია მოითხოვდა მოკავშირეების ქმედების დაგმობას და მათ მიერ "გაეროს წესდებისა და საერთაშორისო ნორმების დარღვევით ძალის გამოყენებისაგან თავის შეკავებას".

გაეროს უშიშროების საბჭოს სხდომამ კიდევ ერთხელ დაადასტურა, რომ რუისეთი მსოფლიოში მხოლოდ მარგინალური ქვეყნების მხარდაჭერით სარგებლობს. დღის განმავლობაში კოლაიციის ქმედებები მხოლოდ რუსეთმა, სირიამ, ირანმა, ბოლივიამ, ბელორუსმა და ჰესბოლამ დაგმო. ჩინეთმა განაცხადა, რომ იგი საერთოდ წინააღმდეგია საგარეო ურთიერთობებში ძალის გამოყენების, ხოლო ერაყმა აღნიშნა, რომ ავიადარტყმებმა შეიძლება ტერორისტებს შეუწყოს ხელი.