ტრამპმა თავდასხმის ბრძანება გასცა - აშშ-ს, ბრიტანეთის და საფრანგეთის ავიაციამ სირიის ბაზები დაბომბა

პოზიცია - 09:33, 14 Apr, 2018

9732

ამერიკის შეერთებული შტატების პრეზიდენტმა დონალდ ტრამპმა მოსახლეობას ტელეეთერით მიმართა და განაცხადა, რომ სირიაზე ავიაიერიშის ბრძანება გასცა."მე ამერიკის შეერთებული შტატების შეიარაღებულ ძალებს ვუბრძანე, რომ თავს დაესხნენ ყველა იმ სამიზნეს, რომელიც ასოცირებულია ქიმიური იარაღის მფლობელ, სირიელ დიქტატორ ბაშარ ალ-ასადთან."- განაცხადა დონალდ ტრამპმა. ამერიკის პრეზიდენტის თქმით, შეტევა კოორდინირებულია დიდი ბრიტანეთისა და საფრანგეთის მთავრობებთან.

შეტევები Tommahawk-ის ტიპის რაკეტებით განხორციელდა. ამ წუთისთვის არსებული ინფორმაციით, დაიბომბა სამი ლოკაცია საუბარია, სამეცნიერო კვლევით დაწესებულებაზე დამასკოში, სადაც დიდი ალბათობით ხდებოდა ქიმიური იარაღის წარმოება, ქიმიური იარაღის საწყობები ხომსის ბაზაზე და ასევე, ქიმიური შეიარაღებისა და ეკიპირების სამეთაურო ცენტრი ხომსის ბაზის მახლობლად. საფრანგეთის თავდაცვის მინისტრის განცხადებით, რუსეთი ავიადარტყმებზე ინფორმირებული იყო.

განხორციელებულ შეტევას გამოეხმაურა აშშ-ში რუსეთის ელჩი ანატოლი ანტონოვი: "წინასწარ დაწერილი სცენარი განხორციელებულია, კიდევ ერთხელ ჩვენ საფრთხის ქვეშ აღმოჩნდით. ჩვენ უკვე განვაცხადეთ, რომ მსგავსი ქმედებებს უპასუხოდ არ დავტოვებთ. სრული პასუხისმეგბლობა ამაზე, ვაშინგტონს, ლონდონსა და პარიზს ეკისრება" - ნათქვამია. ანატოლი ანტონოვის განცხადებაში.