ნავალნი "რუსეთის მოქალაქეობის უფლებისთვის" საპროტესტო აქციებს აანონსებს

მსოფლიო - 19:02, 12 Apr, 2018

1712

რუსეთის ოპოზიციის ლიდერი ალეკსეი ნავალნი 5 მაისს საპროტესტო აქციას გეგმავს. ამის შესახებ განცხადება მან ვიდეომიმართვაში გააკეთა, რომელიც თავის ბლოგზე გამოქვეყნდა. საპროტესტო აქციის მოთხოვნებს შორის იქნება სიღარიბესა და უთანასწორობის წინააღმდეგ ბრძოლა და „როსკომნადზორის“ დაშლა.

5მაისს მე მოვუწოდებ ყველას მონაწილეობა მიიღოს გამოსვლებში, მიტინგებში და აქციებში, ჩვენი ქვეყნის მოქალაქედ ყოფნის უფლებისთვის. რატომ არის საჭირო ამის გაკეთება? იმიტომ რომ 7 მაისს პუტინი თავის ინაუგურაციას გამართავს და ხელისუფლებაში 18 წლიანი ყოფნის დროს საზეიმოდ დარჩება კიდევ 6 წელი. რაც ყველაზე მთავარია, პუტინი გეგმავს ეს ქვეყანა კიდევ 6 წელი ისე მართოს, თითქოს ის აქ არის არა უმაღლესი ჩინოვნიკი, არამედ ნამდვილი მეფე. ყველა მისი მხარდამჭერია და ყველაფერი მას ეკუთვნის, მის ოჯახს და მეგობრებს. ჩვენ კი საერთოდ არ ვარსებობთ.“- განაცხადა ნავალნიმ.

ნავალნის თქმით, ხელისუფლება განსხვავებული აზრის მქონე ადამიანების იგნორირებას ახდენს:

„53 მილიონ ამომრჩეველს პუტინისთვის ხმა არ მიუცია. ესენი არიან განსხვავებული შეხედულების მქონე ადამიანები. , მაგრამ საერთო აქვთ ის, რომ მათი მოსაზრებები რუსეთის განვითარებასთან დაკავშირებით პუტინის მოსაზრებებისგან განსხვავდება. მათი მოსაზრება მოსმენილი უნდა იყოს, რადგან ისინი ამ ქვეყნის სრულუფლებიანი მოქალაქეები არიან. ახლა კი მათ-ჩვენ სრულად გვაიგნორებენ.“- განაცხადა ნავალნიმ.