ადვოკატის განცხადებით, საქმის აღძვრის შემდეგ ნოდარ შიოშვილი გლდანის მერვე სასჯელაღსრულებით დაწესებულებაში გადაიყვანეს, თუმცა ამ დრომდე ის დაზარალებულად არ არის ცნობილი. მამუკა ტუსკაძე აცხადებს, რომ საქმის გამოძება ჭიანურდება და ამ დრომდე დასჯილი არავინ არის:

"8 მარტს კაცს ყელი გამოჭრეს მე-15-ე სასჯელაღსრულებით დაწესებულებაში, ცემეს... გადარჩა იმიტომ, რომ ეს კაცი ექიმია და თავს თვითონ მიხედა. 15 რიცხვში, ერთი კვირის მერე აღიძრა საქმე 118 მუხლის პირველი ნაწილით. ეს არის ჯანმრთელობის ნაკლებად მძიმე დაზიანება. არადა სინამდვილეში განზრახ დაზიანება მიაყენეს ადმინისტრაციის დაკვეთით "ნასეტკა" ვიღაცეებმა.

საქმის აღძვრის შემდეგ ეს კაცი გადმოიყვანეს მერვე დაწესებულებაში, რეაგირება არანაირი არ მოჰყოლია. არავინ დასჯილა. ეს კაცი დაზარალებულადაც კი არავინ სცნო. მაინცდამაინც უნდ მოკვდეს ადამიანი, რომ ვინმემ რეაგირება მოახდინოს? შიოშვილი უკვე მომხდარი იყო, რომ მოხდა კორტავა. მაშინ რომ შიოშვილზე რეაგირება ყოფილიყო კორტვა არ მოხდებოდა",-განაცხადა ტუსკაძემ.

ადვოკატის თქმით, თუ უახლოეს პერიოდში საქმე არ გადაკვალიფიცირდება და დამნაშავეები არ დაისჯებიან საპროტესტო აქციები გაიმართება.