დიდმა ბრიტანეთმა ISIS-ის წინააღმდეგ მასშტაბური კიბერშეტევა განახორციელა. აქცია ტერორისტული დაჯგუფების დეკოორდინაციისა და პროპაგანდის ჩახშობის მიზნით ჩატარდა, - აცხადებს ქვეყნის სამთავრობო კომუნიკაციების ცენტრის (Government Communications Headquarters, GCHQ) ხელმძღვანელი, ბრიტანული დაზვერვის МИ-5-ის ყოფილი წარმომადგენელი ჯერემი ფლემინგი. მისი განცხადებით, კიბერშეტევის შედეგად "ისლამურ სახელმწიფოს" გაცილებით გაუჭირდება მომავალში ტერაქტების დაგეგმვა და განხორციელება.

ეს ბრიტანეთის ისტორიაში პირველი მსგავსი აქციაა, რომელიც სამხედრო მიზნებით გამოიყენეს.

"2017 წლის განმავლობაში იყო დროის მონაკვეთები, როდესაც ISIS-ს ფაქტიურად შეზღუდული ჰქონდა ექსტრემისტული იდეების ინტერნეტით გავრცელების საშუალება," - აცხადებს ფლემინგი.

კიბეროპერაციის შედეგად, არამარტო ტერორისტთა ინტერნეტსაქმიანობა შეფერხდა, არამედ რამდენიმე ფიზიკური ქსელი და მოწყობილობებიც განადგურდა.

"ამ კამპანიამ გვაჩვენა, რამდენად ეფექტურია და მიზანმიმართული კიბერსიმძლავრეების გამოყენება შეტევის დროას," - აცხადებს ფლემინგი.