აშშ-ის კონგრესი რუსეთის წინააღმდეგ ახალი სანქციების კანონპროექტს ამზადებს

მსოფლიო - 16:56, 11 Apr, 2018

1720

აშშ-ის კონგრესი რუსეთის წინააღმდეგ სანქციების ახალ კანონპროექტს ამზადებს. სანქციები რუსეთის სახელმწიფო ვალსა და სახელმწიფო ბანკებს შეეხება.

კანონპროექტს ავტორებმა დიდი ბრიტანეთისადმი თანადგომისა და რუსეთის მიერ საერთაშორისო კანონების დარღვევის საწინააღმდეგო ნაბიჯი უწოდეს. ტექსტში პირდაპირ არის მოხსენიებული სერგეი და იულია სკრიპალის მოწამვლის, რუსული აგრესიისა და დემოკრატიულად განწყობილი პოლიტაქტივისტების, დისიდენტებისა დევნის შესახებ.

კანონპროექტი პირდაპირ უკრძალავს ამერიკის ფიზიკურ და იურიდიულ პირებს ნებისმიერი ოპერაციის ჩატარებას რუსეთის სახელმწიფო ვალის მიმართულებით, სანქციების ქვეშ ხვდება ფასიანი ქაღალდები, რომლებიც მიმოქცევაში 14 დღეზე მეტი ვადით იმყოფება და გამოშვებულია რუსეთის ცენტრალური ბანკის, ფინანსღა სამინისტროს ან "ეროვნული კეთილდღეობის ფონდის" მიერ.

აკრძალვა ასევე გავრცელდება Сбербанк-ის, ВТБ-ს, Газпромбанк-ის, "მოსკოვის ბანკის" Россельхозбанк-ის, Промсвязьбанк-ის და Внешэкономбанк-ის მიერ გამოცემულ ობლიგაციებზე. აღნიშნულ ბანკებთან დაიბლოკება ნებისმიერი ოპერაციები და მათ აქტივებთან გარიგებები.

რუსეთის ცენტრალური ბანკის მონაცემებით, უცხოელ ინვესტორებს რუსეთის ფედერალური სესხის ობლიგაციების 34% ეკუთვნის, რაც ჯამში 2,27 ტრილიონ რუბლს შეადგენს