Game of Thrones-ის მორიგი რეკორდი - ფინალურ სეზონში ტელევიზიის ისტორიაში ყველაზე მასშტაბური ბრძოლის სცენა იქნება

ეს საინტერესოა - 15:37, 10 Apr, 2018

2148

სულ ცოტა ხნის წინ ცნობილი გახდა, რომ „სატახტოთა თამაშების“ თაყვანისმცემლებს მოულოდნელი სიუჟეტური გადატრიალება ელოდებათ, უფრო ზუსტად კი ესაა ერთ-ერთი მთავარი გმირის ორსულობა, რომელმაც შესაძლოა ვესტეროსის ისტორიაზე დიდი ზეგავლენა მოახდინოს. ასევე ცოტა ხნის წინ ცნობილი გახდა იმის შესახებ, რომ „სატახტო თამაშების“ შემქმნელებმა თავისივე რეკორდი მოხსნეს, საქმე ეხება გადაღების ხანგრძლივობას. რეჟისორის თანაშემწემ ჯონათან კუინლანმა ინსტაგრამზე ინფორმაცია გაავრცელა, იმის შესახებ რომ ერთ-ერთ საბრძოლო სცენას 55 დღე იღებდნენ. ეს ტელევიზიის ისტორიაში ყველაზე მასშტაბური ბრძოლის სცენა იქნება

„მე მინდა მადლობა გადავუხადო მერვე სეზონის პროდიუსერებს 55 ღამიანი შეუჩერებელი მუშაობისთვის, იმისთვის რომ გადაიტანეს ყინვა, თოვლი, წვიმა, მტვერი და ნაგავი. როდესაც 10 მილიონი ადამიანი ამ ეპიზოდს ნახავს, ვერასდროს გაიგებს, რამდენი შრომაა ჩადებული მასში. მათთვის სულ ერთი იქნება, რა ძლიერად ვიღლებოდით და როგორი ძნელი იყო ასეთ სიცივეში მუშაობა. ისინი უბრალოდ მიხვდებიან, რომ მსგავსი არასოდეს არაფერი უნახავთ.“- ნათქვამია პროდიუსერებისადმი გაგზავნილ სამადლობელ წერილში, რომელიც კუინლანმა ინსტაგრამზე გამოაქვეყნა.

წინა რეკორდიც „სატახტოთა თამაშებს“ ეკუთვნის, მაშინ ერთ-ერთ ბრძოლას ერთი თვის განმავლობაში იღებდნენ.

ახლა სერიალის თაყვანისმცემლები ცდილობენ გამოიცნონ, რომელ სცენას დასჭირდა ამდენი ხანი გადაღება, ისინი ვარაუდობენ, რომ ეს დაკავშირებული იქნება ვინტერფელის ალყასა და ღამის მეფესთან.

HBO საკულტო სერიალის, „სატახტოთა თამაშების” მერვე სეზონს მთელი მსოფლიო ელის. პროდიუსერებმა განაცხადეს, რომ ფინალურ სეზონში რამდენიმე მთავარი პერსონაჟი მოკვდება.

ბოლო დროის ყველაზე რეიტინგული და პოპულარული სერიალის ბოლო სეზონი 6 ეპიზოდისგან შედგება და 2019 წელს გამოვა.