არაბული ტელეკომპანია Al Sumaria-ს ცნობით, ერაყის შეიარაღებულმა ძალებმა, ერაყის ჩრდილოეთ ნაწილში, ქალაქ კირკუკის მახლობლად, ტერორისტული ორგანიზაცია „ისლამური სახელმწიფოს“ ლიდერის, აბუ ბაქრ ალ-ბაღდადის უახლოესი მრჩეველი და მარჯვენა ხელად წოდებული, აბუ-ვალიდალ-შიშანი (მურად მარგოშვილი) მოკლეს.

აბუ ვალიდ ალ-შიშანი აშშ-ის „შავ სიაში“ ჰყავს შეყვანილი.

ამავე ინფორმაციის თანახმად, სპეცოპერაციის დროს აღმოჩენილია დოკუმენტები, რომლებიც ტერორისტული დაჯგუფების სხვა ლიდერების შესახებ ინფორმაციას შეიცავს.

საზოგადოებრივი მაუწყებლის "პირველი არხის" ინფორმაციით, დუისში, სადაც მურად მარგოშვილის ახლო ნათესავები ცხოვრობენ, მისი მკვლელობის შესახებ არანაირი ინფორმაცია არ აქვთ.