გერმანიაში ქალაქ მიუნსტერში, ერთერთ ცენტრალურ ქუჩაზე სატვირთო მანქანა ფეხით მოსიარულეებს შეეჯახა. ავტომანქანა ერთერთი კაფეს წინ განთავსებულ მაგიდებში შევარდა.

Deutsche Welle-ს ინფორმაციით, დაღუპულია სამი და დაშავებულია 30 ადამიანი, რომელთაგან ექვსი კრიტიკულ მდგომარეობაშია. პოლიციის ინფორმაციით, ავტომობილის მძღოლმა თავი მოიკლა.

სამართალდამცველები დაშავებულთა და გარდაცვლილთა ზუსტ რიცხვს ჯერჯერობით არ ასახელებენ და მოსახლეობას მოუწოდებენ ქალაქის ცენტრალურ ნაწილში სიარულისგან თავი შეიკავონ.

ისინი აცხადებენ, რომ მომხდართან დაკავშირებულ სხვა ეჭვიტანილს არ ეძებენ.

მომხდარი კვალიფიცირებულია როგორც თავდასხმა, თუმცა მას ტერაქტის სტატუსი ჯერ მინიჭებული არ აქვს.