"პუტინის ეპოქა" - ასე ეწოდება ფილმს, რომელიც ტვ "პიკმა" მოამზადა და თავის დროზე, ეთერშიც გავიდა:

"პუტინის ეპოქა - ამ ეპოქამ რუსეთს ყველა საერთაშორისო ორგანიზაციის კრიტიკა მოუტანა. მოკლეს ჟურნალისტები ანა პოლიტკოვსკაია და ეთერ ასტემიროვა, დაიღუპა იურისტი სერგეი მაგნიტსკი, გისოსებს მიღმა აღმოჩნდა მეწარმე ვლადიმირ ხოდორკოვსკი, კორუფციამ არნახულ მასშტაბებს მიაღწია და ამ მაჩვენებლით რუსეთი უგანდისა და ტოგოს გვერდით აღმოჩნდა", - ეს ტექსტი გაისმა გაოგნებული ჩელიაბინკელების ტელეეკრანებიდან.

ტელევიზიის ელმძღვანელობამ შეცდომა 2 წუთში გამოასწორა, თუმცა, როგორც ჩანს, სტუდიაში პანიკა იყო, რადგან ჯერ სარეკლამო რგოლი ხმის გარეშე, ხოლო შემდეგ, რომელიღაც ძველი გადაცემა გავიდა ეთერში.

ერთერთი ვერსიით, "ტელეხულიგნობა" ტელეარხის ხელმძღვანელობაზე განაწყენებულმა რეჟისორმა ჩაიდინა, რომელმაც უკვე დატოვა ტანამდებობა, ხოლო არხის ხელმძღვანელობას ამ დრომდე ვერ გადაუწყვეტია, რეჟისორს "მგლის ბილეთით" გათავისუფლება აკმაროს თუ "ტელეხულიგნობის" ბრალდებით სასამართლოში მის წინააღმდეგ სარჩელი შეიტანოს.

ტელეარხის ეთერში ამ უცნაური ჩართვის ამსახველი ვიდეომასალა ვიდეოპორტალებსა და სოციალურ ქსელებშიც გავრცელდა. ამ ვიდეოში "ტელეხულიგნობა" 1:55 ქრონომეტრაჟზე იწყება.