ამერიკის შეერთებული შტატების ყველაზე აგრესიული ნაბიჯი რუსული ელიტის მიმართ, - ასე შეაფასეს ექსპერტებმა სანქციების ახალი სია, რომელიც 6 აპრილს აშშ-ის ფინანსთა სამინისტრომ გამოაქვეყნა.

ახალ სიაში რუსეთის 24 მოქალაქე მოხვდა. ამ 24 ადამაინს პერსონალური სანქციები დაუწესდა - მათ აეკრძალათ აშშ-ში შესვლა, ხოლო მათი აქტივები შტატების ტერიტორიაზე გაიყინება. სიის წევრთა დაყოფა პირობითად 4 ნაწილად შეიძლება დაიყოს.

პირველი ეს არის სახელმწიფო საწარმოთა მენეჯერები - "გაზპრომბანკის" ხელმძღვანელი ანდრეი აკიმოვი, "სურგუტნეფროგაზის" გენერალური დირექტორი და აქციონერი ვლადიმირ ბოგდანოვი, ВТБ ბანკის ხელმძღვანელი ანდრეი კოსტინი, "Газпром"-ის ხელმძღვანელი ალექსეი მილერი, "Роскомнадзор"-ის ხელმძღვანელი ალექსანდრე ჟაროვი.

მეორე ნაწილი შედგება ძალოვანი სტრუქტურების წარმომადგენლებისგან, მესამე - სახელმწიფო ჩინოვნიკების, მათ შორის კონსტანტინე კოსაჩოვისა და პუტინის თანაშემწეებისგან. მეოთხე - ბიზნესელიტაა, რომელიც Forbes-ის სიაში ფიგურირებენ. მათ შორისა ცნობილი რუსი ოლიგარქები ოლეგ დერიპასკა, იგორ როტენბერგი, ვიქტორ ვეკსელბერგი, კირილ შამალოვი, ბიზნესმენები და დეპუტატები ანდრეი სკოჩი და სულეიმან კერიმოვი.

აღშფოთებული კრემლი საპასუხო ნაბიჯებით იმუქრება.