ამასთან, განცხადებაში მითითებულია, რომ ე.წ. აფხაზეთისა და სამხრეთ ოსეთის რესპუბლიკებიდან შემოტანილი ალკოჰოლური ნაწარმი და მინარალური წყალი რუსული მხარის მოთხოვნებს აკმაყოფილებს.

სანიტარული სამსახური მიიჩნევს, რომ საქართველოში ამ ეტაპზე მცირეა ღვინის წარმოებისთვის საჭირო მასალებისა და მზა ალკოჰოლური პროდუქციის მარაგი, რაც ზრდის ფალსიფიცირებული ღვინის რუსეთში მოხვედრის რისკს.

განცხადების მიხედვით, ამჯერად რუსეთის სანიტარულ სამსახურში შესულია ქართული ალკოჰოლის მწარმოებელი 30 და მინერალური წყლის მწარმოებელი 2 კომპანიის განაცხადი, რომელთაგან ყველა საჭირო დოკუმენტის შემდეგ რუსეთის სანიტარული სამსახურის სპეციალისტები მესამედ ჩავლენ საქართველოში, რათა სიტუაციას ადგილზე გაეცნონ.