აშშ რუსი ოლიგარქებისთვის სანქციების დაწესებას აპირებს. ამის შესახებ სააგენტო Reuters-ი თავის წყაროზე დაყრდნობით წერს.

საქმე ეხება 2016 წლის საპრეზიდენტო არჩევნებში რუსეთის შესაძლო ჩარევას.

სანქციები სავარაუდოდ, ამ კვირაში გამოცხადდება. სანქცირებულთა სიაში, დაახლოებით 25 ადამიანი, პრეზიდენტ ვლადიმირ პუტინის ახლო გარემოცვიდან შევა.

ოფიციალური ვაშინგტონი სანქციებს „ამერიკის მოწინააღმდეგეების წინააღმდეგ მოქმედების“ კანონის ფარგელბში დააწესებს, რომელიც აშშ-ის არჩევნებში რუსეთის ჩარევას უკავშირდება და რომელსაც ტრამპმა ხელი გასული წლის აგვისტოში მოაწერა.

15 მარტს აშშ-ის სახაზინო დეპარტამენტმა რუსეთის 19 მოქალაქესა და ხუთ ორგანიზაციას სანქციები დაუწესა.