დემნა გვასალია Vetements-ში არსებულ კრიზისზე გავრცელებულ ცნობებს პასუხობს

შოუ ბიზნესი - 18:03, 02 Apr, 2018

2648

თუ გვგონია, რომ დემნამ ბებიამისის ყველა ლუქი ამოწურა და აქტუალური აღარ იქნება, სულ ტყუილად გვგონია.

გავსალიების ირგვლივ ახალი სკანდალი აგორდა. ერთ-ერთმა ბულვარულმა გამოცემამ Highsnobiety გაავრცელა ინფორმაცია, რომ გვასალიების ბრენდ Vetements-ს ფინანსური პრობლემები აქვს, სათავო ოდისის ციურიხში გადატანის შემდეგ შემოქმედებითი გუნდი დაეშალა, დემნა "ბალენსიაგას" უფრო მეტ ყურაადღებას უთმობს, გავლენიან კლინტებს სამოსის შეძენა არ სურთ და გაყიდვებმაც იკლო.

"ინტერნეტის დაპყრობდან ორი წლის შემდეგ როგორც ჩანს,Vetements-ის სამოსის შეძენა არავის სურს" - ამ სათაურით გამოაქვეყნა სტატია highsnobiety -მ და წერდა, რომ მართალია დემნა გვასალია “ბალენსიაგასთვის” შექმნილი სამოსით მსოფლიოს კვლავ აოცებს, თუმცა Vetements-ის კოლექციები ორიგინალურობით აღარ გამოირჩევა. როგორც სტატიაშია საუბარი, გამოცემა ამრიკელ, ევროპელ და აზიელ ბაერები Vetements-ში არსებულ კრიზის ადასტურებენ. თუმცა, გამოცემა მათ ანონიმებად მოიხსენიებს და ვინაობას არ ასახელებს.

მოკლედ, დემნა გააბრაზეს. თანაც ისე გააბრაზეს, რომ კეთილი ინება და Vetements-ის ოფიციალურ გვერდზე აღნიშნულ ინფორმაციას განცხადებით გამოეხმაურა.

"Vetements მხარს არ უჭერს ტყუილებსა და ჭორებზე დაფუძნებულ ფსევდოჟურნალისტიკას. დღეს ჩვენი Vetements-ის გუნდი იმაზე ძლიერია, ვიდრე ოდესმე ყოფილა. ბრენდის საქმიანობაში ჩემი ვალდებულებები და მონაწილეობა მისი დაარსების დღიდან უცვლელია. ყოველთვის ვიყავი ბრენდის კრეატიული დირექტორი. მე ყოველთვის ფოკუსირებული ვიქნები პროდუქციაზე და მომხმარებლებზე, რომლებიც მას იცვამენ. მოდ არც უსარგებლო ჭორია და არც ფსევდო ჟურნალისტიკა, მოდა ტანისამოსია. ასე რომ ეს Vetements-ია" - წერს დემნა.

ყალბი ცნობა უწოდა აღნიშნულ ინფორმაციას Vetements-ის აღმასრულებელმა დირექტორმა გურამ გვასალიამაც.

"ჰეითერებს იმედი უნდა გავუცრუო, რადგან ჩვენი კომპანია ახლა იმაზე ძლიერ ფინანსურ მდგომარეობაშია, ვიდრე ოდესმე იყო. სამწუხაროა იმის ნახვა, თუ როგორი მდგომარეობაა დღეს ჟურნალისტიკაში"- განაცხადა გურამმა.

დემნას კოლექციები ქართველებისთვის ხშირად ღიმილისმომგვრელია , რადგან მარტივად აღმოაჩენთ 90-იანი წლების დეტალებს. დემნას კოლექციებში შეგვიძლია ვიხილოთ, მანქანის სარკე-ჩანთები, „კოვრიკი“ კაბები, 90-იანი წლების მაგიდის გადასაფარებლის კაბები და ფეხსაცმელები, სანთებელა-ფეხსაცმელები და ე.წ. ლილოს ჩანთები.

Vetements-ისა და Balenciaga-ს შემოქმედებით ხელმძღვანელს დემნა გვასალიას მსოფლიო მოდის ინდუსტიაში კარგად იცნობენ. მისი არაორდინალური კოლექციები მოდის ექსპერტებში მუდმივად განხილვის და აღფრთოვანების საგანია.

დემნა გვასალია „ბალენსიაგას“ კრეატიული დირექტორი 2015 წლის ნოემბერში გახდა. პარალელურად, ის განაგრძობს ბრენდ Vetements-ის კოლექციის შექმნას.

Vetements-ი ძმებმა დემნა და გურამ გვასალიებმა 2014 წელს დააარსეს და აღიარებაც მალევე მოიპოვეს.

მოდის სფეროში შეტანილი შემოქმედებითი წვლილისთვის , დემნა გვასალია პრესტიჟული ამერიკული დაჯილდოების, მოდის ოსკარად წოდებული CFDA-ს გამარჯვებულიც გახდა.