სკრიპალის საქმე: ყველაზე მეტად ჩვენ გვინდა გავიგოთ, რა დაემართათ ჩვენს მოქალაქეებს

სკრიპალის საქმე: ყველაზე მეტად ჩვენ გვინდა გავიგოთ, რა დაემართათ ჩვენს მოქალაქეებს - ლავროვი

მსოფლიო - 15:26, 02 Apr, 2018

1479

რუსეთის საგარეო საქმეთა მინისტრმა სერგეი ლავროვმა დღეს გამართულ პრესკონფერენციაზე დიდ ბრიტანეთში მოწამლული რუსი ორმაგი აგენტის სერგეი სკრიპლის საკითხზე კიდევ ერთხელ ისაუბრა.

“ჩემი აზრით, ახლა, დიდი ბრიტანეთი, აშშ და რამდენიმე ქვეყანა, რომელიც მათ ბრმად მიჰყვება, აშკარად იტყუება და დეზინფორმაციას მიამრთავს. ჩემი აზრით, ამას საკმაოდ მშვიდად ვპასუხობთ და დაჟინებით ვამტკიცებთ, რომ ნებისმიერი ბრალდება ფაქტებით უნდა იყოს დასაბუთებული“ - განაცხადა ლავროვმა.

მისი თქმით, რუსეთს სკრიპალის მოწამვლის მოტივი არ გააჩნდა.

„რა მოტივი უნდა გვქონოდა? საპრეზიდენტო არჩევნებისა და მსოლფიო ჩემპიონატის წინ? რუსეთის სკრიპალის მოწამვლასთან არავითარი კავშირი არ აქვს. მაგრამ ჩვენ ძალიან დაინტერესებულები ვართ ამ საკითხით და უფრო მეტიც, ყველაზე მეტად ჩვენ გვინდა სიმართლის დადგენა, რათა გავიგოთ სიმართლე ჩვენი მოქალაქეების ბედის შესახებ“ - განაცხადა მან.

რუსეთის საგარეო საქმეთა მინისტრმა, დასავლეთის ქვეყნებიდან რუსი დიპლომატების გაძევება „ბავშვურ თამაშს“ შეადარა.

„როგოც ბავშვობაში ვამბობდით, „ვინც პირველმა დაიწყო, მან უნდა შეწყვიტოს.“ ჩვენ არ გვინდა ბავშვურ თამაშებში ჩავერთოთ, მაგრამ ჩვენი პარტნიორები ამას აკეთებენ.

დიპლომატების გაძევებით, ისინი დიალოგისთვის არსებულ შესაძლებლობებს ამცირებენ. რამდენად შორს წავა ეს ყველაფერი, ჩვენზე არ არის დამოკიდებული“ - განაცხადა ლავროვმა.