მორიგი ტრაგედია დატრიალდა მიგრანტების მოგზაურობისას.

ესპანეთის სანაპიროსთან ნავის ამობრუნებას ოთხი მიგრანტი ემსხვერპლა. გავრცელებული ინფორმაციით, ესპანეთის სანაპირო დაცვამ გიბრალტარის სრუტესთან ერთი ადამიანის გადარჩენა შეძლო, 7 დაკარგულის ძებნა ამ დრომდე მიმდინარეობს.

ისინი მაროკოდან ევროპაში მოხვედრას ცდილობდნენ.

მიგრანტების დაღუპვის შემთხვევები ხშირია, მაშინ როდესაც ისინი ჩრდილოეთ აფრიკიდან ევროპაში ნავით გადასვლას ცდილობენ. 2017 წელს ნავების ჩაძირის შედეგად 5 000-მდე მიგრანტი დაიხრჩო.

შეგახსენებთ, ბოლო დროის ერთ-ერთი ყველაზე დიდი ტრაგედია 2017 წლის აპრილის ბოლოს დაფიქსირდა. ხმელთაშუა ზღვაში მიგრანტებით სავსე გემმა კატასტროფა განიცადა. ბორტზე მყოფი 700-მდე ადამიანიდან, მაშველებმა მხოლოდ 28-ის გადარჩენა მოახერხეს.

ბოლო წლების განმავლობაში, ჩრდილოეთ აფრიკიდან იტალიაში ათიათასობით ადამიანი გადავიდა, რომელთა უმეტესობა ომსა და კონფლიქტებს გაექცა.