"კოალიცია საზოგადოებრივი ინიციატივა ეხმაურება და გმობს საქართველოს მთავრობის მიდგომას სასჯელაღსრულების საწესებულებებში. კერძოდ, მაღალჩინოსნების წახალისებას, რომელთაც მონაწილეობა მიიღეს ეწ. ციხის სკანდალში. მიგვაჩნია, რომ კონკრეტული პირები არ ისჯებიან და ადგილი აქვს შერჩევით სამართალს.

როგორც ცნობილია, "ციხის სკანდალის" ორგანიზატორი და შემსრულებელი პირები გათავისუფლებული არიან.

საქართველოში, ჯერ კიდევ არის შემთხვევები, როდესაც ფიქსირდება პენიტენციალურ სისტემაში სამსახურეობრივი გულგრილობა და თანამდებობრივი უფლებამოსილების გადაჭარბება.

ამას ცხადყოფს, ბოლო პერიოდში გახმაურებული ფაქტი, ლევან კორტავას გარდაცვალებასთან დაკავშირებით.

კოალიცია საზოგადოებრივი ინიციატივას მოთხოვნაა დაიკითხოს ყველა ის პირი, ვისაც პირდაპირ თუ ირიბად ეხებოდა აღნიშნული შემთხვევა. დეტალურად იქნეს გამოძიებული გეგუთის ციხეში არსებული მდგომარეობა, ასევე, ობიექტურად იქნეს გამოძიებული ინციდენტი'" - ნათქვამია განცხადებაში.