ტელეკომპანია Russia Today ვაშინგტონში მაუწყებლობას წყვეტს

ტელეკომპანია Russia Today ვაშინგტონში მაუწყებლობას წყვეტს - "ბლუმბერგი“

მსოფლიო - 11:59, 30 Mar, 2018

1965

1 აპრილიდან რუსული ტელეკომპანია Russia Today ვაშინგტონში მაუწყებლობას წყვეტს, ინფორმაციას ამის შესახებ „ბლუმბერგი“ ავრცელებს.

მიზეზი ორი სატელევიზიო სადგურის WNVT-ის და WNVC-ის მუშაობის შეწყვეტაა, რომლებიც აშშ-ის დედაქალაქში 10-ზე მეტი უცხოური არხის რეტრანსლირებას უზრუნველყოფდნენ, მათ შორის გერმანულ Deutsche Welle, ფრანგულ France 24 და თურქულ ТРТ-ს.

WNVT-ის და WNVC-ის მუშაობას იმის გამო აჩერებენ რომ მათ იმ სატელევიზიო სიხშირეების გაყიდვა გადწყვიტეს, რომელზეც მაუწყებლობენ. აუქციონი ერთი წლის შემდეგ შედგება, თუმცა პროცედურის თანახმად მათ მაუწყებლობა ახლავე უნდა შეაჩერონ.

Russia Today -ის მთავარი რედაქტორმა მარგარიტა სიმონიანმა არხის მაუწყებლობის შეწყვეტასთან დაკავშირებით კომენტარი გააკეთა:

„ჩვენ ვაშინგტონში სამაუწყებლო ქსელიდან გაგვაგდეს. ეს ეძღვნება ყველას, ვინც გულმხურვალედ და გულწრფელად გვარწმუნებდა იმაში, რომ უცხოელი აგენტის იარლიყი არანაირად არ მოახდენდა გავლენას აშშ-ში Russia Today-ის მუშაობაზე“- განაცხადა სიმონიანმა.

ამავდროულად, ოთხშაბათს Russia Today-ის ვებგვერდზე გამოქვეყნებულ შეტყობინებაში ნათქვამია, რომ ტელეკომპანია მაუწყებლობას ვაშინგტონში სხვა პლატფორმებზე გააგრძელებს.