ვიცი, რომ ეს სტატუსი რეაქციას გამოიწვევს. რასაც ახლა ვწერ, არაფერი საერთო არა აქვს ქრისტიანობასთან და რწმენასთან. ნუ ავურევთ ერთმანეთში რელიგიას და პოლიტიკას.

90-იან წლებში ამერიკელებმა არასამთავრობოების ინფრასტრუქტურის შექმნა დაიწყეს საქართველოში იდეოლოგიური რელიეფის შესაქმნელად. ჩვენმა შინნაზარდმა ექსტრემისტებმა დასავლური ლიბერალიზმი სულ მალე ექსტრემისტულ ლიბერტარიანელობად აქციეს. სულ ვფიქრობდი, რა შეიძლება ამ ინფრასტრუქტურისათვის რუსებს დაეპირისპირებინათ.

სამწუხაროდ, ასეთი აღმოჩნდა ე.წ. "მრევლების" ინფრასტრუქტურა, რომლის მნიშვნელოვან ნაწილსაც, ეჭვიც მაქვს და ფაქტებიც არსებობს, რუსეთში მცხოვრები ქართველი მილიონერები აფინანსებენ და რომელიც ერთ მშვენიერ დღეს პოლიტიკიურ ძალად უნდა ქცეულიყო. უნდა გამოეყენებინათ ადამიანების რელიგიური გრძნობები, პატრიოტიზმი და ასე შემდეგ.რწმენისა და პატრიოტიზმის ნაზავით იძიებდნენ დამოუკიდებლობისაკენ ჩვენს მისწრაფებაზე შურს.

მე ვიყავი და ვრჩები მართლმადიდებელ ქრისტიანად, მაგრამ უნდა ვაღიარო, რომ ე.წ. მრევლის კრიტიკულად დიდი ნაწილი იქცა მესამე რომის ბოდვითი იდეის მატარებელ ძალად. ბედნიერებაა, რომ რამდენიმე მღვდელი და ეპისკოპოსი მაინც ვიცი, ვისაც ეს ესმის. მთელი უბედურება ისაა, რომ არ აღმოგვაჩნდა საკმაო ინტელექტუალური რესურსები საიმისოდ, რომ დიდი საერთაშორისო მოთამაშეებისათვის ჩვენი მსოფლმხედველობრივი პოზიცია დაგვეხვედრებინა.

ჩვენ თავად სად ვართ? იქნებ, უკვე მოვაწერეთ ხელი ისტორიის წინაშე კაპიტულაციას და ვიღაცას უნდა ჩავბარდეთ? როდემდე უნდა ვიქანაოთ იდეოლოგიურ ექსტრემუმებს შორის? თუ ვინმეს გაგაღიზიანებთ ეს სიტყვები. ამომშალეთ მეგობრების სიიდან და ეგ იქნება.

ამ სტატუსს ზაზა ფირალიშვილი საკუთარ ფეისბუქის გვერდზე ავრცელებს.