აშშ ქვეყნიდან 60 რუს დიპლომატს აძევებს და სიეტლში მდებარე რუსეთის საკონსულოს ხურავს.

როგორც NY Times იტყობინება, თეთრი სახლის ცნობით, დიდ ბრიტანეთში ყოფილი რუსი აგენტის, სერგეი სკრიპალის მოწამვლის გამო, დონალდ ტრამპმა ქვეყნიდან რუსი დიპლომატების გაძევების ბრძანება გასცა. გამოცემის ცნობით, მათგან 12 ადამიანი, რომელიც გაეროში მუშაობდა, აშშ-ის სპეცსამსახურების თანამშრომელი აღმოჩნდა.

შეაგხსენებთ, ცოტა ხნის ინფორმაცია გავრცელდა, რომ სკრპალის მოწამვლასთან დაკავშირებთ დიდი ბრიტანეთისთვის სოლიდარობის გამოცხადების მიზნით, რუსი დიპლომატების გაძევების შესახებ გადაწყვეტილება მიიღო პოლონეთმა.

დღეს, ლატვიის, ლიტვისა და ესტონეთის საგარეო საქმეთა სამინისტროებში რუსეთის ელჩები გამოიძახეს.

ელჩების დაბარების მიზეზი უცნობია.

შეგახსენებთ, დიდი ბრიტანეთის ქალაქ სოლსბერიში, ყოფილი რუსი ორმაგი აგენტი სერგეი სკრიპალი და მისი შვილი იულია, 4 მარტს მოწამლეს. მათ ერთ-ერთ სავაჭრო ცენტრში გონება დაკარგეს. მამა-შვილი ამ დრომდე კომატოზურ მდგომარეობაში იმყოფება და გადარჩენისთვის იბრძვის. როგორც ექსპერტიზამ დაადგინა, ისინი რუსეთში წარმოებული ახალი თაობის ნერვული აგენტით მოწამლეს, სახელწოდებით "ნოვიჩოკი."

რუსეთის დაზვერვის ყოფილი თანამშრომლის მოწამვლის საქმეზე ლონდონმა მოსკოვიდან ახსნა-განმარტებები მოითხოვა და 24 საათიანი ვადა მისცა მოსკოვს , თუმცა პასუხი ვერ მიიღო. შედეგად კი ბრიტანეთმა მოსკოვს სანქციები დაუწესა.

ბრიტანეთმა რუსეთის უმაღლეს ხელისუფლებასთან ყველა დონის ურთიერთობა გაწყვიტა.

ამავდროულად, დიდი ბრიტანეთმა ქვეყნიდან 23 რუს დიპლომატი გაძევა. დიდი ბრიტანეთი, რუსული გაზის სხვა მომწოდებლით ჩანაცვლებაზეც იწყებს ზრუნვას.

რაც შეეხება რუსეთის პასუხს, დიდი ბრიტანეთის ქმედების საპასუხოდ, ქვეყნიდან ბრიტანელი დიპლომატები გააძევეს და პერსონა ნონ გრატად გამოაცხადეს.