პოლონეთის საგარეო საქმეთა სამინიტრომ , პოლონეთში რუსეთის ელჩს, სერგეი ანდრეევს, ქვეყნიდან რუსი დიპლომატების გაძევების შესახებ მიღებული გადაწყვეტილების შეატყობინა.

ამის შესახებ ელჩმა ჟურნალისტებთან საუბრისას განცხადა.

„გადაწყვეტილება მიღებულია. ამის შესახებ პოლონური მხარე გაავრცელებს ინფორმაციას“ - განაცხადა ელჩმა.

შეაგხსენებთ, რამდენიმე დღის წინ ინფორმაცია გავრცელდა, რომ სკრპალის მოწამვლასთან დაკავშირებთ დიდი ბრიტანეთისთვის სოლიდარობის გამოცხადების მიზნით, რუსი დიპლომატების გაძევებას აპირებს პოლონეთი, ლატვია, ლიტვა და ესტონეთი.

დღეს, ლატვიის, ლიტვისა და ესტონეთის საგარეო საქმეთა სამინისტროებში რუსეთის ელჩები გამოიძახეს.

ელჩების დაბარების მიზეზი უცნობია.

შეგახსენებთ, დიდი ბრიტანეთის ქალაქ სოლსბერიში, ყოფილი რუსი ორმაგი აგენტი სერგეი სკრიპალი და მისი შვილი იულია, 4 მარტს მოწამლეს. მათ ერთ-ერთ სავაჭრო ცენტრში გონება დაკარგეს. მამა-შვილი ამ დრომდე კომატოზურ მდგომარეობაში იმყოფება და გადარჩენისთვის იბრძვის. როგორც ექსპერტიზამ დაადგინა, ისინი რუსეთში წარმოებული ახალი თაობის ნერვული აგენტით მოწამლეს, სახელწოდებით "ნოვიჩოკი."

რუსეთის დაზვერვის ყოფილი თანამშრომლის მოწამვლის საქმეზე ლონდონმა მოსკოვიდან ახსნა-განმარტებები მოითხოვა და 24 საათიანი ვადა მისცა მოსკოვს , თუმცა პასუხი ვერ მიიღო. შედეგად კი ბრიტანეთმა მოსკოვს სანქციები დაუწესა.

ბრიტანეთმა რუსეთის უმაღლეს ხელისუფლებასთან ყველა დონის ურთიერთობა გაწყვიტა.

ამავდროულად, დიდი ბრიტანეთმა ქვეყნიდან 23 რუს დიპლომატი გაძევა. დიდი ბრიტანეთი, რუსული გაზის სხვა მომწოდებლით ჩანაცვლებაზეც იწყებს ზრუნვას.

რაც შეეხება რუსეთის პასუხს, დიდი ბრიტანეთის ქმედების საპასუხოდ, ქვეყნიდან ბრიტანელი დიპლომატები გააძევეს და პერსონა ნონ გრატად გამოაცხადეს.