Dash დიეტის სასწაული - როგორ შევამციროთ დეპრესიის რისკი და ვიცხოვროთ ბედნიერად

ეს საინტერესოა - 11:26, 23 Mar, 2018

2610

შეიძლება გაგიკვირდეთ, მაგრამ ფაქტია, რომ დეპრესიის რისკს ამცირებს ჯანსაღი კვების რაციონი.

რეკომენდებულია მიირთვათ ხილი, ბოსტნეული და მთლიანი მარცვლეული. მეცნიერთა აზრით, დეპრესიის რისკი გაცილებით მაღალია მაშინ, როცა პიროვნებას ე.წ. დასავლური კვების რაციონი უყვარს, რომელიც მოიცავს დიდი რაოდენობით დამუშავებულ პროდუქტებსა და შაქარს.

ჯანსაღი კვების რაციონი სასარგებლოა როგორც ფსიქიკური ჯანმრთელობისთვის, ასევე ჰიპერტენზიის პრევენციისა თუ კონტროლისთვის.

ნაშრომზე მუშაობდნენ ჩიკაგოში მდებარე კერძო უნივერსიტეტის Rush University–ს მეცნიერები. კვლევაში ჩართული იყო 964 ადამიანი. მონაწილეთა საშუალო ასაკი 81 წელი იყო.

ექსპერტები სისტემატურად სწავლობდნენ კვლევის მონაწილეების ჯანმრთელობის მდგომარეობას, აინტერესებდათ ვლინდებოდა თუ არა დეპრესიისთვის დამახასიათებელი ისეთი სიმპტომები როგორიცაა მომავლის უიმედობა და სხვა. ასევე ითვალისწინებდნენ იმას თუ როგორი ტიპის რაციონით (კვების რეჟიმი სახელწოდებით DASH დიეტა ჰიპერტენზიის პრევენციისა და კონტროლისთვის, ხმელთაშუა ზღვის დიეტა და ტრადიციული დასავლური დიეტა) იკვებებოდნენ კვლევაში ჩართული მონაწილეები.

როგორც სტატიაში ვკითხულობთ, DASH დიეტის წყალობით ფსიქიკური ჯანმრთელობის დარღვევის განვითარების რისკი 11%–ით მცირდება.

DASH დიეტა მდიდარია ხილით, ბოსტნეულით, თხილეულით, მთლიანი მარცვლეულითა და თევზით, რძის პროდუქტებით, რომელშიც ცხიმის რაოდენობა ძალიან დაბალია. ამ ტიპის კვება ითვალისწინებს იმას, რომ პიროვნებამ მჭლე ხორცი უნდა მიიღოს ნორმალური დოზით. რაციონი მკვეთრად ზღუდავს დამუშავებულ პროდუქტებს, მარილს, წითელ ხორცს, ტკბილ სასმელებს, ცხიმიან საკვებს.