რატომ უნდა დაწვეთ ლოგინში წინდებით - მკვლევარების საინტერესო ექსპერიმენტი

ეს საინტერესოა - 11:57, 22 Mar, 2018

6369

იცოდით, რომ ადამიანს გაცილებით სწრაფად ეძინება, როცა ლოგინში წინდებით წვება.
მოგეხსენებათ, რომ ძილის ციკლის მნიშვნელოვანი ნაწილი ტემპერატურის რეგულირებაა. სავსებით შესაძლებელია, რომ ამ გზით ორგანიზმის შინაგანი ტემპერატურა დარეგულირდეს. მკვლევარებს მაგალითად მოჰყავთ 2007 წლის ექსპერიმენტი. კვლევამ ცხადყო, რომ მონაწილეს უფრო სწრაფად ეძინებოდა თუ წინდები ეცვა.

როგორც ვიცით, პიროვნების სხეულის ტემპერატურა ღამის განმავლობაში ეცემა. ფეხის გათბობისას სისხლძარღვები ფართოვდება და შედეგად კანში სითბო გამოიყოფა და შინაგანი ტემპერატურა მცირდება. ტვინში იგზავნება სიგნალი იმასთან დაკავშირებით, რომ ძილის დროა. მკვლევარების აზრით, თბილი კანი სწრაფად დაძინებასთანაა ასოცირებული.

ცნობილია, რომ სხეულის შინაგან ტემპერატურაზე გავლენას ახდენს ორგანიზმის ბიოლოგიური საათი, რომელიც აკონტროლებს ძილის დროს. სწორედ მისი დახმარებით პიროვნებას ღამით ძილის სურვილი უჩნდება, ხოლო დილით იღვიძებს.

სხეულის ტემპერატურა თანდათანობით იმატებს დღის განმავლობაში და მაქსიმუმს აღწევს გვიან შუადღეს. მოგვიანებით კი ტემპერატურა ქვეითდება და ძილის სურვილიც ჩნდება. ძილის დროს სხეულის ტემპერატურა 1, 2 გრადუსით ქვეითდება. ამის მიზეზია ის, რომ ორგანიზმი ენერგიას სხვა ფუნქციებისთვის ინახავს. ლოგინში წინდებით ძილი კი შესაძლოა, დადებითად აისახოს ტემპერატურის რეგულირების ციკლზე.