როგორ ავარიდოთ თავი კანის პრობლემებს ზაფხულში ?

საზოგადოება - 13:55, 03 Aug, 2013

3252

როგორც ნიუ–იორკის კანის დაავადებათა ინსტიტუტის დირექტორი და ნიუ–იორკის უნივერსიტეტის მედიცინის სკოლის პროფესორი და დერმატოლოგი რონალდ ბრანკაციო განმარტავს, ყველა ქავილს თავისი აშკარა მიზეზი აქვს, მაგალითად მწერის ნაკბენი ან გამომშრალი კანი, თუმცა ქავილი და გამონაყარი, რომელიც ამ პროცესს ახლავს თან შესაძლებელია იყოს რთული დასადგენი, მაშინაც კი, როდესაც მას ისეთი მარტივი მიზეზი აქვს, როგორიც არის ალერგიული რეაქცია.

ზაფხულის გამონაყარი

ცხელი, ნოტიო ამინდი იწვევს გამონაყარი, ოფლის გამოყოფა კი, შეიძლება ითქვას, ერთგვარი ხაფანგია გამონაყარისათვის. ოფლიანობამ შეიძლება გამოიწვიოს პატარა მუწუკები ან ბუშტუკები, რომლებიც ყველაზე ხშირად ჩნდებიან კანის ნაკეცებში და იმ ადგილებში, რომლებიც ტანსაცმლისგან იხეხება.

ასეთი გამონაყარი რამდენიმე დღეში თავისით ალაგდება. უნდა ვატაროთ ღია ფერის ტანსაცმელი, იმ ქსოვილის ტანისამოსი, რომელიც სუნთქავს და გრილია, რათა მოხდეს აორთქლება ორგანიზმიდან. უნდა მოვერიდოთ მძიმე მაკიაჟისა სახის კრემების მოხმარებას.

თუ გამონაყარი 3–4 დღის მანძილზე არ ჩაცხრა ე.ი. მდგომარეობა უარესდება. თუ ეს პროცესები ინფექციის ფონზე ვითარდება და თან ახლავს სიცხე და ტკივილი , სიწითლე და ანთებითი პროცესი, აუცილებლად უნდა მიმართოთ ექიმს.

მომწამვლელი სურო

სინამდვილეში, ის არ არის მომწამვლელი, თუმცა მოსახლეობის 85 % არის ალერგიული მცენარეული ზეთების, მცენარეების მერქნის და მცენაარების მიმართ. ასეთი ნივთიერებების სხეულზე მოხვედრამ, შესაძლებელია გამოიწვიოს ლაქები, რომელსაც ხშირად თან ახლავს, ბუშტუკები, შეშუპება, სიწითლე და რა თქმა უნდა ქავილი. ამგვარი რეაქციები თავს იჩენს 12–72 საათის განმავლობაში.

მომწამვლელი სუროსგან გამოწვეული რეაქციებისგან განკურნება

თავდაცვის საშუალებებში პირველი და ყველაზე მნიშვნელოვანია ხელის დაბანა საპნისა და წყლის საშუალებით, რათა მთლიანად მოვიცილოთ კანიდან გაღიზიანების გამომწვევი ნივთიერებები. ასევე გარეცხეთ ტანსაცმელი, ფეხსაცმელი, დაბანეთ ცხოველები და ყველაფერი, რაც თქვენ გარშემოა, რასაც შეხება ჰქონდა ალერგიის გამომწვევ მცენარეებთან და მის მავნე ნივთიერებებთან. ასეთ დროს აუცილებელია გვქონდეს ისეთი მალამოები, რომლებიც ამცირებენ შეშუპებას და კანს ეხმარებიან სწრაფად განკურნებაში. ქავილის შესამცირებლად უნდა გამოვიყენოთ ცივი კომპრესები, კალამინის შემცველი ლოსიონი ან ალერგიის საწინააღმდეგო აბები.

თუ თქვენ გაქვთ უფრო მწვავე რეაქცია და თუ გამონაყარმა თქვენი სხეულის 10–20 % ზე მეტტი დაფარა, აუცილებლად მიმართეთ ექიმს. თუ მდგომარეობა 2–3 კვირის განმავლობაში არ გაუმჯობესდა, თქვენ შესაძლოა სხვა რამეზეც გაქვთ ალერგიული რეაქცია თქვენ გარშემო.

სოკოს ინფექცია

მოგეხსენებათ, რომ თბილი, ტენიანი პირობები ხელს უწყობს ვაგინალური სოკოს ინფექციის განვითარებას. სოკოს ინფექცია ვითარდება მაშინ, როცა მჟავიანობის ბალანსი ვაგინაში ირღვევა. ხშირად ეს ხდება მას შემდეგ, რაც მიიღებთ ანტიბიოტიკს, ორსულობისა და მენსტრუალური ციკლის დროს და ჩასახვის საწინაარმდეგო აბების მოხმარებისას.