რუსეთის საგარეო საქმეთა მინისტრი სერგეი ლავროვი თანამდებობას ტოვებს.

ამის შესახებ ინფორმაციას RTVI ავრცელებს.

გამოცემის ცნობით, ლავროვს დიდი ხანია პოსტის დატოვება უნდა, თუმცა პუტინი სთხოვდა, საპრეზიდენტო არჩევნებამდე ეს გადაწყვეტილება არ მიეღო.

„პოსტის დატოვება რომ უნდა, ეს არავისთვის არის საიდუმლო“ - აცხადებს საგარეო საქმეთა სამინისტროს წარმომადგენელი, რომლის ვინაობასაც სააგენტო არ ასახელებს.

გამოცემის ცნობით, ლავროვი აღარ იქნება არუსეთის იმ ახალი მთავრობის წევრი, რომელსაც პუტინი მაისში დააკომპლექტებს.

19 მარტს, რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ აღნიშნულ თემასთან დაკავშირებით განაცხადა, რომ არ იცის, დარჩება თუ არა ლავროვი თანამდებობაზე.

ლავროვი რუსეთის საგარეო საქმეთა მინისტრის პოსტს 2004 წლიდან იკავებს.