ალბათ ყველას გვახსოვს განელი მასწავლებელი ოვურა აკვადი, რომლის ფეისბუკპოსტი ვირუსულად მოედო მთელს სოციალურ ქსელს და ბევრი ადამიანის აღფრთოვანება, პატივისცემა და დადებითი კომენტარები დაიმსახურა.

ოვურა აკვადი კომუსიდან, განაში , მოსწავლეებს ინფორმატიკის გაკვეთილებს დაფაზე ხატვით ასწავლიდა, რადგან სკოლაში კომპიუტერი არ არის, მასწავლებელი კი კომპიუტერსა და სხვადასხვა კომპიუტერული ოპერაციების შესრულებას დაფაზე ხატავდა.

მას შემდეგ რაც აღნიშნული პოსტი ფეისბუკზე გამოჩნდა, სკოლისთვის კომპიუტერის გადაცემის ბევრი მსურველი გამოჩნდა, სპონსორებიც მოიძიეს და ბავშვებს კომპიუტერები გადსცეს.

თვითონ მასწავლებელი კი, სინგაპურში, Microsoft-ის მიერ ორგანიზებულ პროგრამირების ტრენინგს გაივლის.