65 წლის ვლადიმირ პუტინი ისევ რუსეთის პრეზიდენტია .

ადამიანი, რომელიც დღეის ჩათვლით უკვე მე-18-ე წელია მართავს ქვეყანას, ქვეყნის სათავეში მინიმუმ კიდევ 6 წელი დარჩება.

საპრეზიდენტო არჩევნებზე ხმების 99%-ის დათვლის შემდეგ, ის 76,65%-ით ლიდერობს. რუსეთის ცენტრალური საარჩევნო კომისიის ცნობით, საპრეზიდენტო არჩევნებზე პუტინს მხარი 55 მილიონ 403 971-მა ადამიანმა დაუჭირა.

რუსეთის ცენტრალური საარჩევნო კომისიის განცხადებით, არჩევნებისთვის 400 უბანი საზღვარგარეთ იყო გახსნილი. მათ შორის ანექსირებული ყირიმში, ოკუპირებული აფხაზეთისა და სამაჩაბლოს ტერიტორიაზე, დნესტრისპირეთში.

პირველებმა პუტინს გამარჯვება სერბეთის პრეზიდენტმა და ჩეჩნეთის ლიდერმა რამზან კადიროვმა მიულოცეს. ასევე ბოლივიის , ვენესუელის , ყაზახეთისა და კუბის ლიდერებმა

პუტინის გამარჯვება ერთ-ერთმა პირველმა მიულოცა ოკუპირებული აფხაზეთის მარიონეტული რეჟიმის ე.წ. პრეზიდენტმა რაულ ხაჯიმბაც.