სტივ ჯობსის მიერ 45 წლის წინ შევსებული CV-ი 174 757 დოლარად გაიყიდა

ეს საინტერესოა - 18:52, 17 Mar, 2018

4086

სტივ ჯობსის მიერ 1973 წელს შევსებული CV-ი 174 757 დოლარად გაიყიდა. CV-ის შევსების დროს სტივ ჯობსი 18 წლის იყო. ჯობსის მიერ შევსებული განაცხადი ბოსტონის აუქციონზე გაიყიდა, მისმა მყიდველმა კი ანონიმად დარჩენა ისურვა. მის შესახებ მხოლოდ ისაა ცნობილი, რომ ის ლონდონელი ბიზნესმენია, რომელიც ბრიტანეთში ტექნოლოგიების სფეროში მუშაობს.

განაცხადიდან არ ჩანს თუ რა ვაკანსიის დაკავებას ცდლობდა სტივ ჯობსი, როდესაც ეს განცხადება დაწერა თუმცა მისი ბიოგრაფიიდან ცნობილია, რომ შემდეგ წელს მან მუშაობა თამაშების ფირმა Atari-ში დაიწყო.

თავის უნარ ჩვევებში ჯობსმა მიუთითა, რომ კომპიუტერის და კალკულატორის გამოყენება შეეძლო.

როგორც ჯობსის განაცხადიდან ხდება ცნობილი, ის თავისთავს ელექტრონულ ტექნოლოგიებში ხედავდა.

კომპიუტერული ინდუსტრიის წამყვანი ფიგურა და გამომგონებელი, Apple-ის თანადამფუძნებელი, თავმჯდომარე და მთავარი აღმასრულებელი დირექტორი სტივენ პოლ ჯობსი 1955 წელს სან-ფრანცისკოში დაიბადა. სტივ ჯობსის ბიოლოგიური მამა სირიელი მიგრანტი იყო, რომელიც აშშ-ში 1950-იან წლებში გადაბარგდა. 1955 წელს ბავშვი პოლ და კლარა ჯობსებმა იშვილეს.

2011 წლის 5 ოქტომბერს, სტივ ჯობსი პანკრეატული სიმსივნისგან გარდაიცვალა 56 წლის ასაკში.