"რობაქიძის საქმე უკვე სასამართლოშია წარმართული. ამ საქმესთან დაკავშირებით პასუხისგებაში არიან მიცემულნი შინაგან საქმეთა სამინისტროს იმჟამინდელი თანამშრომლები. საქმე სასამართლო განხილვის სტადიაში. თუმცა, რობაქიძის საქმე ამით არ ამოიწურება. გამოძიება კვლავ გრძელდება სხვა პირთა დადგენის მიზნით", - განაცხადა მთავარმა პროკურორმა. როგორც კბილაშვილმა აღნიშნა ვაზაგაშვილის საქმე გონივრულ ვადაში აუცილებლად გაიხსნება და ამ საქმის გამოძიებაში პროგრესია. "ამ საქმეს თბილისის პროკურატურა იძიებს. მე ვიცი, რომ არის პროგრესი, მაგრამ რაში მდგომარეობს ეს, საქმის ინტერესებიდან გამომდინარე, მიზანშეწონილი არ არის ამაზე ვისაუბრო. შემიძლია მხოლოდ ის ვთქვა, რომ ეს საქმეც შესაბამის გონივრულ ვადაში აუცილებლად იქნება გახსნილი", - განაცხადა კბილაშვილმა.