დიდ ბრიტანეთში ქიმიური იარაღის გამოყენების ბრძანება, დიდი ალბათობით პუტინმა გასცა

დიდ ბრიტანეთში ქიმიური იარაღის გამოყენების ბრძანება, დიდი ალბათობით პუტინმა გასცა - ბორის ჯონსონი

მსოფლიო - 16:33, 16 Mar, 2018

2386

დიდი ბრიტანეთის საგარეო საქმეთა მინისტრის ბორის ჯონსონის განცხადებით, დიდი ბრიტანეთის ტერიტორიაზე, ქიმიური იარაღის გამოყენების ბრძანება, "დიდი ალბათობით" რუსეთის პრეზიდენტმა ვლადიმირ პუტინმა გასცა.

ამის შესახებ ინფორმაციას sky news-ი ავრცელებს.გამოცემის ცნობით, ჯოსნომა განაცხადა , რომ ნათელია, რუსეთში წარმოებული ნერვული აგენტის გამოყენების უკან რუსეთი დგას. სკრიპალზე თავდასხმის ბრძანება კი "დიდი ალბათობით" პუტინმა გასცა.

შეგახსენებთ, ყოფილი რუსი ორმაგი აგენტი სერგეი სკრიპალი და მისი შვილი იულია, 4 მარტს მოწამლეს. მათ ერთ-ერთ სავაჭრო ცენტრში გონება დაკარგეს. მამა-შვილი ამ დრომდე კომატოზურ მდგომარეობაში იმყოფება და გადარჩენისთვის იბრძვის. როგორც ექსპერტიზამ დაადგინა, ისინი რუსეთში წარმოებული ახალი თაობის ნერვული აგენტით მოწამლეს, სახელწოდებით "ნოვიჩოკი."

რუსეთის დაზვერვის ყოფილი თანამშრომლის მოწამვლის საქმეზე ლონდონმა მოსკოვიდან ახსნა-განმარტებები მოითხოვა და 24 საათიანი ვადა მისცა მოსკოვს , თუმცა პასუხი ვერ მიიღო. შედეგად კი ბრიტანეთმა მოსკოვს სანქციები დაუწესა.

ბრიტანეთმა რუსეთის უმაღლეს ხელისუფლებასთან ყველა დონის ურთიერთობა გაწყვიტა.

ამავდროულად, დიდი ბრიტანეთი ქვეყნიდან 23 რუს დიპლომატს აძევებს. ქვეყნის დასატოვებლად მათ პრემიერმა ერთი კვირა მისცა. გაიყინება რუსული საბანკო ანგარიშები. დიდი ბრიტანეთი, რუსული გაზის სხვა მომწოდებლით ჩანაცვლებაზეც იწყებს ზრუნვას.

რაც შეეხება რუსეთის პასუხს, რუსეთის საგარეო საქმეთა მინისტროს სერგეი ლავროვის თქმით, ლონდონის ქმედებების საპასუხოდ, რუსეთიდან ბრიტანელ დიპლომატებს გააძევებენ, თანაც "მალე." მისივე თქმით, საპასუხო ქმედებები ამით არ შემოიფარგლება და ამის შესახებ უახლოეს მომავალაში ბრიტანელებს აცნობებენ.