საქართველოს მესამე პრეზიდენტმა, ოდესის ოლქის ყოფილმა გუბერნატორმა და პარტია "ახალი ძალების მოძრაობის" ლიდერმა მიხეილ სააკაშვილმა Sky News-თან ინტერვიუში, ყოფილი რუსი ორმაგიბ აგენტის სერგეი სკრიპალის მოწმვლისა და პუტინის შესახებ ისაუბრა. სააკაშვილის თქმით, ის ერთადერთი ადამინია, რომელიც პუტინმა საჯაროდ მოკლა, მაგრამ მაინც ცოცხალია.

სააკაშვილი აღნიშნავს, რომ ვლადიმირ პუტინის პირდაპირი ბრძანების გარეშე სერგეი სკრიპალზე თავდასხმა არ განხორციელდებოდა და დასავლეთის ქვეყნებს რუსეთის წინააღმდეგ ერთიანი ქმედებებისკენ მოუწოდებს.

„მას მიაჩნია, რომ მას ყველას და ყველაფრით მანიპულირება შეუძლია. მიაჩნია, რომ მსოფლიო ძალიან ცინიკური ადგილია , სადაც ყველას ყიდვა შეიძლება და მას აქვს ეს უპირატესობა, ვინაიდან ის ყოველთვის ხელისუფლებაშია.

ყველა დასავლელი ლიდერი იცვლება: ისინი მოდიან და მიდიან, ყველაფერი არჩევნებით ხდება. ვლადიმირ პუტინის ხელისუფლებაში ყოფნა კი ძალიან ხანგრძლივია. ის ყოველთვის ხელისუფლეაშია და შეუძლია გრძელვადიანი გეგმები ჰქონდეს. მას შეუძლია მანიპულირება, მან ისწავლა , ხრიკები, როგორ მოექცეს დემოკრატიულ სისტემებს“ - ამბობს სააკაშვილი.

მისი თქმით, ყოფილი რუსი ორმაგი აგენტის მოწამვლის ფაქტი, მისთვის მოულოდნელი არ ყოფილა, რადგან თავის დროს, ლიტვინენკოს საქმეზე სათანადო რეაქცია არ ყოფილა.

„ფიქრობ, რუსეთს რატომღაც ეგონა, რომ დიდ ბრიტანეთს უფრო რბილი რეაქცია ექნებოდა, ვიდრე აშშ-ს. ვერ წარმომიდგენია, რომ მან იგივე გააკეთოს ტრამპის ამერიკაში, რადგან ამან შესაძლოა ტრამპის არაპროგნოზირებადი რეაქცია გამოიწვიოს. თუმცა ტერეზა მეის მომხდარზე რეაგირება ძლიერი და შთამბეჭდავი იყო. ახლა უნდა მოხდეს დასავლეთის გაერთიანება და იმის დამტკიცება რომ დამნაშავე საბოლოოდ პასუხს აგებს.

„ის არის ადამიანი, რომელიც შემპირდა, რომ ჩემი სხეულის კონკრეტული ნაწილით დამკიდებდა. მე ფაქტობრივად ერთადერთი ადამიანი ვარ, ვისი საჯაროდ მოკლა პუტინმა მოახერხა, მაგრამ მაინც ცოცხალი ვარ. ასე რომ, მე უფრო გამიმართლა, ვიდრე სხვებს“ - განაცხადა საკაშვილმა.