დედოფალი ოფიციალურად დათანხმდა „მისი ყველაზე საყვარელი შვილიშვილისა“ და მეგან მარკლის ქორწინებას

ეს საინტერესოა - 18:46, 15 Mar, 2018

6753

ფორმალობის თანახმად, დედოფალი ელისაბედი ოფიციალურად დათანხმდა „მისი ყველაზე ძვირფასი შვილიშვილისა“ და მეგან მარკლის ქოწილს.

ამის შესახებ ოფიციალური განცხადება გამოქვეყნდა.

ტექსტი იდენტურია 2011 წელს, პრინცი უილიამისა და ქეით მიდლტონის ქორწილის წინ გამოქვეყნებული განცხადებისა, თუმცა არის ერთი დეტალი.

2011 წელს გამოქვეყნებულ განცხადებაში დედოფალი წერდა, რომ ოფიციალურად ეთანხმება „მისი ყველაზე საყვარელი შვილიშვილის“ და „ჩვენი საყვარელი ქეით ელისაბეტ მიდლტონის“ ქორწინებას.

ახლანდელ ტექსტში კი უბრალოდ მეგან მარკლია ნახსენები.

შეგახსენებთ, მიმდინარე წლის 27 ნოემბერს კი სამეფო ოჯახმა ოფიციალური განცხადება გაავრცელა, რომ 33 წლის ჰარი და 36 წლის მეგანი დაინიშნენ და ქორწილი გაზაფხულზე გაიმართება. სამეფო ქორწილი 2018 წლის 19 მაისს, ვინდსორის სასახლეში შედგება.

ცნობილი გახდა ისიც, რომ მეგანმა სამსახიობო კარიერაზე უარი თქვა, კონკრეტულად, მან დატოვა სერიალი Suits-ი, რომლის წყალობითაც მოიპოვა პოპულარობა. სამეფო ქორწილამდე მეგანს სარწმუნოებისა და მოქალაქეობის შეცვლა მოუწევს. გააუქმა ფეისბუკის, თვითერისა და ინსტაგრამის ექაუნთები გააუქმა.

ბრიტანეთის სამეფო პროტოკოლის თანახმად, ქალი , რომელსაც „სამეფო სისხლი“ არ აქვს, პრინცესა გახდება. შესაბამისად, მას პრინცესა მეგანს არ დაუძახებენ, ისევე როგორც პრინცი უილიამის მეუღლეს, ჰერცოგინია ქეით მიდლტონს.

პრინცი ჰარისა და მეგანის რომანის შესახებ ცნობილი 2016 წლის ოქტომბერში გახდა.

პრინცი ჰარის ახალი რჩეულის ვინაობის გაგებისთანავე, ტაბლოიდები მსახიობის ცხოვრების თითქმის ყველა დეტალზე წერდნენ. დაიწერა ისიც, რომ მეგანის ფერადკანიანი დედის გამო, სამეფო ოჯახი მას არ მიიღებდა.

ამ ფაქტის შემდეგ სამეფო ოჯახმა წერილი გამოაქვეყნა და პრინცი ჰარისა და მეგან მარკლის რომანი ოფიციალურად დაადასტურა.