დიდი ბრიტანეთი რუსული გაზის სხვა მომწოდებლით ჩანაცვლებაზე ზრუნვას იწყებს

მსოფლიო - 10:42, 15 Mar, 2018

2898

დიდ ბრიტანეთში ჯაშუშუშის მოწამვლის სკანდალი ენერგეტიკულ სფეროსაც შეეხო.

ბრიტანეთის პრემიერი-მინისტრის, ტერეზა მეის განცხადებით, ყოფილ რუს ორმაგ აგენტზე ქიმიური თავდასხმის საპასუხოს, ქვეყნიდან გააძევენებენ რუს დიპლომატებს, რომლებიც სავარაუდოდ რუსული დაზვერვისთვის მუშაობენ - ეს არის ყველზე დიდი გაძევება ცივი ომის შემდეგ. ასევე გაიყინება რუსული აქტივები და ბოლოს, დიდი ბრიტანეთი, რუსული გაზის სხვა მომწოდებლით ჩანაცვლებაზე ზრუნვას იწყებს .

ტერეზა მეის თქმით, რუსეთი საკუთარი ენერგეტიკული რესურსით მანიპულირებს ქვეყნებზე, რომლებსაც ამარაგებს და ეს უნდა დასრულდეს.

დიდი ბრიტანეთში ყოფილი რუსი ორმაგი აგენტის სერგეი სკრიპალისა და მისი შვილის მოწამვლის შემდეგ, ბრიტანეთმა რუსეთის უმაღლეს ხელისუფლებასთან ყველა დონის ურთიერთობა გაწყვეტა.

ამავდროულად, დიდი ბრიტანეთი ქვეყნიდან 23 რუს დიპლომატს აძევებს. ქვეყნის დასატივებლად მათ პრემიერმა ერთი კვირა მისცა. გაიყინება რუსული საბანკო ანგარიშები.

"ეს იქნება ყველაზე დიდი გაძევება ბოლო 30 წლის განმავლობაში. ეს პირველი შემთხვევა არ არის, როდესაც რუსეთი ჩვენი ქვეყნის ინტერესების წინააღმდეგ მოქმედებს.

ჩვენ ვიწყებთ დაუყოვნებლივ მოქმედებას დიდ ბრიტანეთში რუსული ჯაშუშური ქსელის აღმოსაფხვრელად" - განაცხადა მეიმ პარლამენტში.

შეგახსენებთ, ყოფილი რუსი ორმაგი აგენტი სერგეი სკრიპალი და მისი შვილი იულია, 6 მარტს მოწამლეს. მათ ერთ-ერთ სავაჭრო ცენტრში გონება დაკარგეს. მამა-შვილი კომატოზურ მდგომარეობაში იმყოფება და გადარჩენისთვის იბრძვის. როგორც ექსპერტიზამ დაადგინა, ისინი რუსეთში წარმოებული ახალი თაობის ნერვული აგენტით მოწამლეს, სახელწოდებით "ნოვიჩოკი."

რუსეთის დაზვერვის ყოფილი თანამშრომლის მოწამვლის საქმეზე ლონდონმა მოსკოვიდან ახსნა-განმარტებები მოითხოვა და 24 საათიანი ვადა მისცა, თუმცა პასუხი ვერ მიიღო. შედეგად კი ბრიტანეთმა მოსკოვს სანქციები დაუწესა.