"ტერეზა მეის გადაწყვეტილება, პუტინს პასუხი აგებინოს, მნიშვნელოვანია"

"ტერეზა მეის გადაწყვეტილება, პუტინს პასუხი აგებინოს, მნიშვნელოვანია" - ჯონ მაკკეინი

მსოფლიო - 10:30, 15 Mar, 2018

3012

დიდი ბრიტანეთში ყოფილი რუსი ორმაგი აგენტის მოწამვლის შემდეგ ქვეყნიდან რუსი დეპუტატების გაძევებასეხმიანება „რესპუბლიკელი“ სენატორი ჯონ მაკკეინი და ამ სიტუაციაში დიდი ბრიატნეთისთვის აუცილებელ მხარდაჭერაზე საუბრობს.

"პრემიერ-მინისტრ ტერეზა მეის გადაწყვეტილება პასუხი აგებინოს პუტინს სოლსბერიში ქიმიური იარაღით თავდასხმაზე, მნიშვნელოვანია. ამერიკის შეერთებული შტატები საკუთარ მოკავშირეს გვერდით უნდა დაუდგეს და უზრუნველყოს ის, რომ რუსეთის ხელისუფლებამ შემზარავი დანაშაულებისთვის პასუხი აგოს" - წერა მაკკეინი თვითერზე.

შეგახსენებთ, დიდი ბრიტანეთში ყოფილი რუსი ორმაგი აგენტის მოწამვლის შემდეგ ბრიტანეთი რუსეთის უმაღლეს ხელისუფლებასთან ყველა დონის ურთიერთობას წყვეტს.

ამავდროულად, დიდი ბრიტანეთი ქვეყნიდან 23 რუს დიპლომატს გააძევებს. გაიყინება რუსული საბანკო ანგარიშები.

"ეს იქნება ყველაზე დიდი გაძევება ბოლო 30 წლის განმავლობაში. ეს პირველი შემთხვევა არ არის, როდესაც რუსეთი ჩვენი ქვეყნის წინააღმდეგ მოქმედებს.

ჩვენ ვიწყებთ დაუყოვნებლივ მოქმედებას დიდ ბრიტანეთში რუსული ჯაშუშური ქსელის აღმოსაფხვრელად" - განაცხადა მეიმ პარლამენტში.

შეგახსენებთ, ყოფილი რუსი ორმაგი აგენტი სერგეი სკრიპალი და მისი შვილი იულია, 6 მარტს მოწამლეს. მათ ერთ-ერთ სავაჭრო ცენტრში გონება დაკარგეს. მამა-შვილი კომატოზურ მდგომარეობაში იმყოფება და გადარჩენისთვის იბრძვის. როგორც ექსპერტიზამ დაადგინა, ისინი რუსეთში წარმოებული ახალი თაობის ნერვული აგენტით მოწამლეს, სახელწოდებით "ნოვიჩოკი."