რუსეთის ფედერაციის საგარეო საქმეთა სამინისტრო განცხადებას ავრცელებს, რომლითაც დიდი ბრიტანეთს პასუხობს. განცხადებაში ნათქვამია, რომ ბრიტანეთის საპასუხოდ, რუსეთის შესაბამისი ზომები არ დააყოვნებს:

„დიდი ბრიტანეთის პრემიერ-მინისტრის ტერეზა მეის 14 მარტის განცხადებას პარლამენტში, რუსეთის „დასჯასთან“ დაკავშირებით ცრუ ბრალდებით, სკრიპალისა და მისი ქალიშვილის მოწამვლის საქმესთან მიმართებით, განვიხილავთ, როგორც უპრეცენდენტოდ უხეშ პროვოკაციას, რომელიც ძირს უთხრის ნორმალური საერთაშორისო დიალოგს ჩვენს ქვეყნებს შორის.

კატეგორიულად მიუღებლად და უღირსად მიგვაჩნია ის ფაქტი, რომ დიდი ბრიტანეთი საკუთარი უკადრისი პოლიტიკური მიზნებისთვის, ურთიერთობების ასე სერიოზულად დაძაბვაზე წავიდა და განაცხადა მრავალ დამაზიანებელ ზომებზე, მათ შორის ქვეყნიდან 23 დიპლომატის გამოძევების შესახებ.

იმის მაგივრად, რომ დაასრულონ საკუთარი გამოძიება, აამოქმედონ დაწესებული საერთაშორისო ფორმატები და ბერკეტები, მათ შორის ქიმიური იარაღის აკრძალვის ორგანიზების ჩარჩოებში, რისთვისაც ჩვენ მზად ვიყავით, ბრიტანეთის მთავრობამ უპირატესობა მიანიჭა რუსეთთან კონფრონტაციას. თვალსაჩინოა, რომ ამ გამოძიების ცალმხრივი და არატრანსპარენტული მეთოდის არჩევით, ბრიტანეთის მთავრობამ მორიგ ჯერზე სცადა ანტირუსული კამპანიის წამოწყება.

ბუნებრივია, ჩვენი საპასუხო ზომები არ დააყოვნებს“, - ნათქვამია განცხადებაში.