14 წლის გოგონას ფერადი ფოტოები, რომელიც ოსვენცინის საკონცენტრაციო ბანაკში მოკლეს, თვალნათელს ხდის ჰოლოკოსტის დაუნდობლობას.

ხელოვნმა მარინა ამარალმა 14 წლის გოგონას შავ-თეთრ ფოტოებს ახალი სიცოცხლე შესძინა და თანამდეროვე ტექნოლოგიების გამოყენებით ისინი „გააფერადა“.

მისი ტქმით, ამ პროექტმა მრავალი თვე წაიღო, თუმცა დასრულებული ვარიანტი და რეზულტატი თვალნათლივ ასახვას ნაცისტური რეჟიმის სისასტიკეს.

ჩვესლავა კვოკა დედასთან ერთად ნაცისტურმა რეჟიმმა ოსვენციმის საკონცენტრაციო ბანაკში მოათავსა 1942 წლის 13 დეკემბერს სხვა 318 ტყვესთან ერთად.

გოგონას ნომერი მიანიჭეს - 26949 და საკონცენტრაციო ბანაკში მან 67 დღე გაატარა, იგი 1943 წლის 18 თებერვალს მოკლეს.

ვილჰელმ ბრასის მტკიცებით, რომელიც აცხადებს, რომ მან გოგონას რეგისტრაციისთვის ფოტო გადაუღო, ჩვესლავა ერთ-ერთი მცველის მიერ მიყვანის დღესვე სასტიკად იქნა ნაცემი.

ფოტოზეც კარგად ჩანს გოგონას ჭრილობა ტუჩზე. ჩვესლავა ერთ-ერთი იყო 230 000 ბავშვიდან და საერთო ჯამში 1 300 000 ადამიანიდან, რომლებიც ოსვენციმის საკონცენტრაციო ბანაკში იყვნენ მოთავსებულნი 1940 წლიდან 1945 წლამდე.

მარინა “METRO”-სთან საუბრისას აცხადებს, რომ მას შემდეგ რაც ფოტოები ფერადი გახადა, მან გოგონას სამოსზე წითელი სამკუთხედი აღმოაჩინა, ეს კი ნიშნავს იმას, რომ ბავშვი ოსვენციმში მიიყვანეს, როგორც პოლიტიკური პატიმარი.

„როცა შავ-თეთრ ფოტოებს ვხედავთ, ამას აღვიქვამთ ისე, რომ ესა თუ ის ფაქტი ისტორიის წიგნებში არსებობს მხოლოდ. როცა მის სახეზე ფერები აღვადგინე, მე გამოვაჩინე მის სახეზე სისხლიც და ჩალურჯებებიც, ამ ყველაფერმა მომხდარს რეალურობა შესძინა. უფრო მარტივია თანაგრძნობა გამოვიჩინოთ ადამიანების მიმართ ფერადი ფოტოებით, ეს ადამიანები იყვნენ ღვთის მიერ შექმნილნი, მათ ჰქონდათ ოცნებები, ამბიციები, შიშები, ჰყავდათ მეგობრები, ოჯახები და ეს ყველაფერი მათ წაართვეს“, - აღნიშნავს ხელოვანი.