გადაწყვეტილება ცოტა ხნის წინ თბილისის საქალაქო სასამართლოს მოსამართლემ მერაბ ჯორბენაძემ მიიღო, რასაც ოვაციით შეხვდნენ მრევლი და მამა ანთიმოზის სხვა მხარდამჭერები. მოსამართლის თქმით, მხოლოდ ერთი ვიდეომასალა, სადაც ისმის გინება, ანთიმოზ ბიჩინაშვილის ბრალეულობის დასამტკიცებლად საკმარისი არ არის.

ანთიმოზ ბიჩინაშვილს წაყენებული ჰქონდა ბრალი, რომელიც სისხლის სამართლის კოდექსის 161-ე მუხლით გათვალისწინებულ დანაშაულს გულისხმობს: "შეკრების ან მანიფესტაციის მოწყობის, ანდა მასში მონაწილეობის უფლების განხორციელებისათვის უკანონოდ ხელის შეშლა - ძალადობით, ძალადობის მუქარით ან სამსახურებრივი მდგომარეობის გამოყენებით."