ბერეზოვსკის მოკავშირე რუსი ბიზნესმენი ლონდონში გარდაცვლილი იპოვეს

მსოფლიო - 11:17, 14 Mar, 2018

2152

კომპანია „აეროფლოტის“ გენერალური დირექტორის ყოფილი მოადგილე ნიკოლაი გლუშკოვი ლონდონში გარდცვლილი ნახეს. გლუშკოვი რუსი ოპლიგარქის ბორის ბერეზოვსკის უახლოესი გარემოცვიდან იყო. მისი ცხედარი ნათესავებმა აღმოაჩინეს. ამის შესახებ გარდიანი იტყობინება.

68 წლის გლუშკოვის სიკვდილის მიზეზი ჯერჯერობით დადგენილი არაა.

ნიკოლაი გლუშკოვი რუსი ბიზნესმენი იყო. 1989-1991წლებში ის დეპარტამენტის უფროსის, შემდეკ კი დირექტორის მოადგილის პოსტს იკავებდა ბერეზოვსკის მიერ შექმნილ კომპანია „ლოგოვაზში“. 1991-1995 წლებში ხელმძღვანელობდა „ავტოვაზის“ ფინანსურ დეპარტამენტს, 1996 წელს კი „აეროფლოტის“ გენდირექტორის მოადგილის პოსტი დაიკავა.

200 წელს ის დააკავეს და ბრალი თაღლითობაში, ფულის გათეთრებაში და კომპანიის თანხების მითხვისებაში წაუყენეს, 2004 წელს მოსკოვის სასამართლომ მას 3 წლითა და 3 თვით პატიმრობა მიუსაჯა, თუმცა რადგან ეს ვადა უკვე მოხდილი ქონდა სასამართლოს დარბაზიდან გაათავისუფლეს.

ბოლო წლებში გლუშკოვი დიდ ბრიტანეთში ცხოვრობდა სადაც პოლიტიკური თავშესაფარი 2010 წელს მიიღო. 2017 წლის მარტში მოსკოვის სავალოვსკის სასამართლომ გლუშკოვს დაუსწრებლად 8 წლით პატიმრობა მიუსაჯა, 90-იან წლებში აეროფლოტის თანხების გაფლანგვის გამო.

შეგახსნებთ გლუშკოვის თანამოაზრე ბორის ბერეზოვსკიც მსგავს ვითარებაში გარდაიცვალა. 2013 წლის მარტში ბერეზოვსკი ლონდონში საკუთარ სახლში გარდაცვლილი იპოვეს, მასაც სწორედ დიდ ბრიტანეთში ქონდა პოლიტიკური თავშესაფარი მინიჭებული, მას შემდეგ რაც ის დაუსწრებლად გაასამართლეს და პატიმრობა მიუსაჯეს თაღლითობაში ბრალდების საფუძველზე. ბერეზოვსკი ერთ-ერთი ყველაზე ცნობილი რუსი ოლიგარქი და რამდენიმე წლის განმავლობაში კრემლთან დაახლოებული პირი იყო, მოგვიანებით კი პრეზიდენტ ვლადიმირ პუტინის ოპონენტი გახდა. სწორედ მას შემდგე დაიწყო მის წინააღმდეგ საქმეების წარმოებაც.