მედია: 51 წლის რობინ რაითმა და 31 წლის კლემენტ გრეიდმა საიდუმლოდ იქორწინეს (ფოტოები)

ეს საინტერესოა - 16:53, 12 Mar, 2018

3413

დასავლური მედია ირწმუნება, რომ 51 წლის მსახიობი, „ფორესტ გამპისა“ და სერიალ „ბანქოს სახლის“ ვარსკვლავი რობინ რაითი და მისი 31 წლის შეყვარებული, მოდის სახლ Saint Laurent-ის VIP კლიენტებთან პიარ მენეჯერი, კლემან ჟიროდე საიდუმლოდ დაქორწინდნენ.

ამის შესახებ ინფორმაცია მას შემდეგ გავრცელდა, რაც წყვილი პარიზში, უეფას ჩემპიონთა ლიგის ფარგლებში პსჟ-მადრიდის რეალის მატჩზე დააფიქსირეს და ორივე მათგანს ბეჭდები ეკეთა და ერთმანეთს საჯაროდ ეხვეოდნენ.

51 წლის მსახიობმა და ახლგაზრდა პიარ მენეჯერმა ერთმანეთი გასული წლის გაზაფხულზე

კანის კინოფესტივალზე გაიცნეს, პირველად ერთად კი შემოდგომით პარიზის მოდის კვირეულზე გამოჩნდნენ.

1986 წლიდან 1988 წლამდე რობინ რაითი მსახიობ დეინ უიზერსოუბზე იყო დაქორწინებული. 1990 წლიდან კი ის და მსახიობი შონ პენი ერთად ცხოვრობდნენ, 1996 წელს ისინი ოფიციალურად დაქორწინდნენ, 14-წლიანი ქორწინების შემდეგ კი 2007 წელს ერთმანეთს დაშორდნენ, მათ ორი შვილი 26 წლის დილანი და 24 წლის ჰოპერი ჰყავთ. განქორწინების პროცესი საბოლოოდ 2010 წელს დასრულდა.

2012 წლიდან რობინი მსახიობ ბენ ფოსტერს ხვდებოდა. 2015 წლის აგვისტოში კი მსახიობი წყვილი ერთმანეთს დაშორდა.