სლოვაკეთის შინაგან საქმეთა მინისტრი და ვიცე-პრემიერი რობერტ კალინაკმა მთავრობა დატოვა.

სლოვაკი ჟურნალისტის იან კუჩიაკისა და მისი მეგობარი ქალის მკვლელობას სლოვაკეთში პოლიტიკური სკანდალი მოჰყვა. სლოვაკეთის პრემიერ-მინისტრთან დაახლოებული კალინაკისა და კიდევ რამდენიმე პირის გადადგომას, ერთ-ერთი პარტიის წევრები ითხოვდნენ.

"ახლა მნიშვნელოვანია სტაბილურობის შენარჩუნება, ამიტომ გადავწყვიტე თანამდებობა დავტოვო, როგორც შს მინისტრის პოსტი, ასევე ვიცე-პრემიერის" - განაცხადა კალინაკმა.

შეგახსენებთ, 27 წლის ჟურნალისტი, მეგობარ გოგონას ერთად, მოკლული საკუთარ ბინაში იპოვეს. ჟურნალისტს ტყვია გულ-მკერდის არეში ჰქონდა მოხვედრილი, მის მეგობარ გოგოანს კი - თავში. ისინი, სავარაუდოდ, 22-იდან 25 თებერვლამდე მოკლეს.

გამოძიებისთვის ინფორმაციის მიწოდების სანაცვლოდ, სლოვაკეთის მთავრობა ერთ მილიონ ევროს იხდის.

სლოვაკეთის პოლიციის ხელმძღვანელის განცხადებით, სამართალდამცავები მკვლელობის მოტიავდ ჟურნალისტის პროფესიულ საქმიანობას განიხილავენ. ის საგამოძიებო ჟურნალისტიკით იყო დაკავებული.

კუჩაკი საგადასახადო თაღლითობასთან დაკავშირებულ თემებზე მუშაობდა

კუჩაკის მასალების მთავარი გმირები ცნობილი ბიზნესმენები იყვნენ, რომელთაც ჟურნალისტის გამოძების თანახმად, მმართველ პარტიასთან და ასევე კრიმინალური დაჯგუფებების წევრევთანაც კი ჰქონდათ კავშირი. მის ბოლო პუბლიკაციებში, ბრატისლავაში, ერთერთი ელიტური საცხოვრებელი სახლის გაყიდვისას მაქინაციებზე იყო საუბარი.