სანკტ-პეტერბურგში 22 წლის მამაკაცმა ცოლის მოკვლის მიზნით ბანკიდან კრედიტი აიღო. 40 000 რუბლი მას ქილერის დასაქირავებლად სჭირდებოდა.

დანაშაული მამაკაცმა 2017 წლის ზაფხულში დაგეგმა.

მან მკვლელობის მომზადების მიზეზად ცოლის სიძულვილი და შვილზე ერთპიროვნული მეურვეობის მოპოვების სურვილი დაასახელა.

მამაკაცი მეგობარმა გასცა, რომელმაც ეს ამბავი მისგან გაიგო. ქილერის როლი პოლიციელმა შეასრულა, რომელმაც მამაკაცი ავანსის გადახდის დროს დააკავა.

9 მარტს სასამართლომ ის მკვლელობის მომზადების ორგანიზებაში დამნაშავედ ცნო და 5 წლით თავისუფლების აღკვეთა მიუსაჯა.